Хитай корона вируси баһанисидә уйғур районидики қамални техиму күчәйткән

Мухбиримиз җәвлан
2020-09-02
Елхәт
Пикир
Share
Принт

Хитай корона вируси ямриған мәзгилдиму уйғурларни давамлиқ бастуруш биләнла қалмай, уларни намәлум бир дорини ичишкә мәҗбурлиғанлиқи әйблинип кәлгәниди.

ABC (Америка таратқу ширкити) ториниң 31-авғуст хәвәр қилишичә, уйғур райони һөкүмити корона вирусиға тақабил туруш үчүн аһалиләрниң һәммисини дегүдәк өйигә солап қойған, 40 күн талаға чиқмаслиқ буйруқиға әмәл қилмиғанларни қолға алған. Хитайниң иҗтимаий алақә торида ашкарилинишичә, аһалиләр һәқиқәтән намәлум бир җуңйи дорини ичишкә мәҗбурланған, у дориниң тәркибидә башқа дөләтләрдә ишлитиш чәкләнгән маддилардин аз дегәндә бирәри бар икән. Бир уйғур аялниң ашкарилишичә, у он нәччә тутқун билән ятқан камерда һәр һәптидә дегүдәк ялиңачлинип олтурғузулған болуп, дезинфексийә союқлуқи уларниң бәдинигә вә тамға чечилған. Бу көйдүргүч союқлуқниң тәсиридин униң қоли көйүп, терилири чүшүп кәткән.

Хитай шинхуа агентлиқиниң 26-авғуст тарқатқан бир хәвиридә, уйғур районидики мәктәпләрниң күзлүк оқуш мәвсуми кечиктүрүлүп, дәрсләр торда өтүлидиғанлиқи, һәр қайси мәктәпләрниң 9-айниң 1-күнидин башлап торда оқуш башлайдиғанлиқи ейтилғаниди.

Пикирләр (0)
Share
Толуқ бәт