"Amérika aliy mektep démokratliri" Uyghur qirghinchiliq heqqide qarar aldi

Muxbirimiz eziz
2021-08-31
Share

Amérikadiki hakimiyet tutquchi ikki partiyening biri bolghan démokratlar partiyesining qarmiqidiki "Amérika aliy mektep démokratliri" oqughuchilar birleshmisi 30-awghust küni resmiy qarar élip "Sherqiy türkistan\shinjang Uyghur aptonom rayonidiki Uyghurlar 'térorluqqa qarshi urush' namidiki zor kölemlik tutqun we irqiy qirghinchiliqning qurbanlirigha ayliniwatidu. Xitay hökümitining bu qilmishi insaniyetke qarshi jinayet," dep körsetti.

Ularning Uyghur qirghinchiliqi heqqidiki resmiy qarari ularning tor bétide we tiwittér bétide tengla élan qilin'ghan. Uningda ular Uyghur qirghinchiliqining nede boluwatqanliqi, buningda bir milyondin ikki milyon'ghiche bolghan Uyghurning lagérlargha qamilip bolghanliqi, lagér ichi we sirtidiki Uyghur ayallirining mejburiy tughut cheklesh tedbirlirining ziyankeshlikige uchrash ehwali, Uyghur diyaridiki mejburiy emgek mesilisi qatarliq ehwallarni toluq we chüshinishlik qilip bayan qilghan. Axirida özlirining bu qirghinchiliqqa pütünley qarshi turidighanliqini tekitlesh bilen birge baydén hökümitidin bu qirghinchiliqqa qarshi téximu küchlük tedbirlerni élishni, 2022-yilidiki béyjing qishliq olimpik musabiqisini bayqut qilishni, Uyghur diyarigha musteqil tekshürüsh guruppisi ewetishni, telep qilghan. Shuningdek Uyghurlar heqqidiki muzakire basquchida turiwatqan bashqa qanun layihelirinimu tézdin maqullashqa chaqirghan.

Melum bolushiche, "Amérika aliy mektep démokratliri" oqughuchilar birleshmisi 1932-yili qurulghan bolup, amérikadiki eng chong oqughuchilar birleshmisi iken. Nöwette uninggha eza bolghan oqughuchilarning sani 100 mingdin ashidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet