Budapéshttiki bir kochigha “Uyghur qurbanliri yoli” dep nam bérilgen

Ruytrés agéntliqining xewer qilishiche, win'giriyening paytexti budapésht shehirining xitay uniwérstétigha teqlid qilip sélin'ghan mektep qorusi yénidiki bir kochigha tibetning diniy dahiysi dalay lamaning ismi bérilgen, yene bir kochigha “Uyghur qurbanliri yoli” dep nam bérilgen. Öktichiler partiyesidin bolghan budapésht sheher bashliqi gérgili karasoni charshenbe küni (2-iyun) buni élan qilghan.

Yéngidin nam bérilgen bu kochining yénigha xitay fuden uniwérsitéti layiheligen bir aliy mektep qorusi jaylashqan bolup, 6000 oqughuchi oquydiken. Gérgili karasoni bu qurulushni sélishqa ijazet bergen wén'giriye bash ministirini xitaygha yaxshichaq bolushqa urun'ghan dep eyibligen.

Wén'giriye aqillar merkizi tetqiqat ornining ray sinash tekshürüshidin melum bolushiche, eyni chaghda xitay pasonidiki bu mektep rayonini qurushqa 66 pirsent kishi qarshi turghan, 27 pirsent kishi qollighaniken.