Будапешттики бир кочиға "уйғур қурбанлири йоли" дәп нам берилгән

Мухбиримиз җәвлан
2021-06-02
Share

Руйтрес агентлиқиниң хәвәр қилишичә, вингирийәниң пайтәхти будапешт шәһириниң хитай универстетиға тәқлид қилип селинған мәктәп қоруси йенидики бир кочиға тибәтниң диний даһийси далай ламаниң исми берилгән, йәнә бир кочиға "уйғур қурбанлири йоли" дәп нам берилгән. Өктичиләр партийәсидин болған будапешт шәһәр башлиқи гергили карасони чаршәнбә күни (2-июн) буни елан қилған.

Йеңидин нам берилгән бу кочиниң йениға хитай фудән университети лайиһәлигән бир алий мәктәп қоруси җайлашқан болуп, 6000 оқуғучи оқуйдикән. Гергили карасони бу қурулушни селишқа иҗазәт бәргән венгирийә баш министирини хитайға яхшичақ болушқа урунған дәп әйиблигән.

Венгирийә ақиллар мәркизи тәтқиқат орниниң рай синаш тәкшүрүшидин мәлум болушичә, әйни чағда хитай пасонидики бу мәктәп районини қурушқа 66 пирсәнт киши қарши турған, 27 пирсәнт киши қоллиғаникән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт