Sabiq yuqiri derijilik Uyghur rehbiri kadiri wezipisidin qalduruldi

Muxbirimiz ümidwar
2016.02.28
Share on WhatsApp
Share on WhatsApp

Uyghur aptonom rayonluq hökümetning sabiq bash katipi alimjan memtimin partiyedin chiqirilip we xizmitidin qaldurulup, edliye organlirining qanun boyiche bir terep qilishigha tapshurup bérilgen.

Xitay axbarat wasitilirining xewer qilishiche, Uyghur aptonom rayonluq partkom da'imiy he'iyitining testiqi bilen aptonom rayonluq intizam tekshürüsh komitéti Uyghur aptonom rayonluq xelq hökümitining bash katipi, hökümet ishxanisi partiye guruppisining sékritari we aptonom rayonluq hökümet partiye guruppisining ezasi qatarliq yuqiri rehbiriy wezipilerni atqurghan alimjan memtimin üstidin éniqlash élip bérip,uning partiyedin chiqirilish we xizmet wezipisidin qaldurulush qarari chiqarghan.

Uninggha siyasiy intizam we siyasiy qa'idilerge xilapliq qilip, “Partiye ichide shayka toplap, shexsiy gherez bilen özara til biriktürüp guruh uyushturghan” “Teshkili tekshürüshke qarshi chiqip, zangpul we zang mallirini yötkep, ispatni yoqatqan” dégendek bir yürüsh intizam we chiriklikke munasiwetlik jinayetler békitilgen.

Alimjan memtiminning ötken yili 6 - ayda tekshürüsh astigha élin'ghanliqi xewer qilin'ghan idi.

1982 - Yili béyjing merkiziy millet inistitutining Uyghur til - edebiyat kespini püttürgen alimjan memtimin oqush püttürgendin kéyin yéza igilik inistitutida xizmet qilip, qedemmu - qedem ösüp, 2011 - yilidin 2013 - yilighiche shinjang gézitxanisining partiye mu'awin sékrétari, gézitxana bashliqi bolghan, 2013 - yilidin 2015 - yili, 7 - ayghiche Uyghur aptonom rayonluq hökümetning bash katipiliq wezipisige teyinlen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.