Хитай һөкүмити “бәш хил тонуш” ни уйғур сәбийлиригә сиңдүрүшни нишан қилмақта

Мухбиримиз әзиз
2019-08-20
Share

Хитай даирилириниң йиллардин бери тәшвиқ қилип келиватқан “бәш хил тонуш чүшәнчиси” һәққидики тәшвиқат паалийитини нуқтилиқ һалда башланғуч мәктәптики уйғур өсмүрлиригә тәтбиқлашқа чақириқ қилиши зор диққәт қозғиди.

“шинҗаң гезити” ниң 20-авғусттики хәвиридә ейтилишичә, уйғур аптоном районлуқ сиясий кеңәш мәхсус йиғин ечип “бәш хил тонуш чүшәнчиси” ни мәҗбурий маарип басқучида омумлаштуруш мәсилисини оттуриға қойған. Бу һәқтики хәвәрдә ейтилишичә, үрүмчи шәһәрлик 1-оттура мәктәпниң химийә оқутқучиси җиң мәнли мухбирларға сөз қилип: “башланғуч мәктәп дәл оқуғучиларда җуңхуа мәдәнийити вә инқилабий қурбанлар һәққидики чүшәнчини, шуниңдәк ‛бәш хил тонуш чүшәнчиси‚ни чоңқур йилтиз тартқузидиған мәзгил” дегән.

Алақидар материялларда көрситилишичә, “бәш хил тонуш чүшәнчиси” адәттә “улуғ вәтәнни етирап қилиш”, “җуңхуа миллитини етирап қилиш”, “җуңхуа мәдәнийитини етирап қилиш”, “хитай компартийәсини етирап қилиш” вә “хитайчә алаһидиликкә игә сотсиялизмни етирап қилиш” ни көрситидиған болуп, оқуғучилар җәзмән өзлирини мушу бәш хил өлчәмгә бағлиши лазим икән. Америкидики уйғур зиялийлиридин доктор қаһар барат бу һәқтә пикир қилип: “бу хитай һөкүмитиниң уйғур өсмүрлирини кичикидинла өз миллити вә өз мәдәнийитидин тенишқа, шуниңдәк уни инкар қилишқа йетәкләш урунуши” дәп көрсәтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт