Xitay hökümiti "Besh xil tonush" ni Uyghur sebiylirige singdürüshni nishan qilmaqta

Muxbirimiz eziz
2019-08-20
Share

Xitay da'irilirining yillardin béri teshwiq qilip kéliwatqan "Besh xil tonush chüshenchisi" heqqidiki teshwiqat pa'aliyitini nuqtiliq halda bashlan'ghuch mekteptiki Uyghur ösmürlirige tetbiqlashqa chaqiriq qilishi zor diqqet qozghidi.

"Shinjang géziti" ning 20-awghusttiki xewiride éytilishiche, Uyghur aptonom rayonluq siyasiy kéngesh mexsus yighin échip "Besh xil tonush chüshenchisi" ni mejburiy ma'arip basquchida omumlashturush mesilisini otturigha qoyghan. Bu heqtiki xewerde éytilishiche, ürümchi sheherlik 1-ottura mektepning ximiye oqutquchisi jing menli muxbirlargha söz qilip: "Bashlan'ghuch mektep del oqughuchilarda jungxu'a medeniyiti we inqilabiy qurbanlar heqqidiki chüshenchini, shuningdek 'besh xil tonush chüshenchisi'ni chongqur yiltiz tartquzidighan mezgil" dégen.

Alaqidar matériyallarda körsitilishiche, "Besh xil tonush chüshenchisi" adette "Ulugh wetenni étirap qilish", "Jungxu'a millitini étirap qilish", "Jungxu'a medeniyitini étirap qilish", "Xitay kompartiyesini étirap qilish" we "Xitayche alahidilikke ige sotsiyalizmni étirap qilish" ni körsitidighan bolup, oqughuchilar jezmen özlirini mushu besh xil ölchemge baghlishi lazim iken. Amérikidiki Uyghur ziyaliyliridin doktor qahar barat bu heqte pikir qilip: "Bu xitay hökümitining Uyghur ösmürlirini kichikidinla öz milliti we öz medeniyitidin ténishqa, shuningdek uni inkar qilishqa yéteklesh urunushi" dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet