Ғулҗида или уйғур чақчақлири һәққидә мәхсус муһакимә өткүзүлди

Мухбиримиз үмидвар
2015-09-16
Share

Йеқинда ғулҗа шәһиридә или уйғур чақчақлири бойичә мәхсус илмий муһакимә йиғини өткүзүлгән болуп, игилишимизчә, мәзкур мәхсус түрдә или уйғур чақчақлири һәққидә өткүзүлгән муһакимә йиғининиң асаслиқ темиси уйғурларниң "һазирқи замандики нәсирдин әпәндиси" дәп һөрмәтләнгән мәшһур чақчақчи вә ләтипичи мәрһум һисам қурбанниң иҗадий һаяти, униң чақчақчилиқ услуби вә чақчақчилиқтики әхлақ-пәзиләтлири һәм башқа мәсилиләргә қаритилған болуп, бу һәқтә мәхсус илмий мақалиләр вә башқа түрлүк әсәрләр оқулған.

Тәңритағ ториму мәзкур паалийәт һәққидә учур тарқатқан болуп, йиғин әһли или чақчақчилири, җүмлидин уйғур чақчақчилириниң иҗтимаий, мәдәнийәт вә илмий қиммәтлири һәққидә пикир баян қилиш билән биргә, уйғур чақчақлирини қезиш, рәтләш вә тәтқиқ қилишни күчәйтишни оттуриға қоюшқан.

Мәлумки, чақчақ вә ләтипә дунядики һәр милләт хәлқлириниң еғиз иҗадийәт сәнитидики муһим жанирдур. Уйғур чақчақчилиқ сәнитиму уйғурлар, җүмлидин түркий хәлқләр еғиз иҗадийитиниң муһим бир қисмидур. Уйғур йеқинқи заман тарихида хели көп санда мәшһур чақчақчи-ләтипичиләр йетишип чиқип, уйғур хәлқиниң қәлбидин орун алған, чүнки улар уйғурларниң арзу-арманлирини, учриған зулум-күлпәтлирини, җүмлидин сиясий, иқтисадий вә иҗтимаий бесимларни маһирлиқ билән қамчилиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт