Ghuljida ili Uyghur chaqchaqliri heqqide mexsus muhakime ötküzüldi

Muxbirimiz ümidwar
2015-09-16
Élxet
Pikir
Share
Print

Yéqinda ghulja shehiride ili Uyghur chaqchaqliri boyiche mexsus ilmiy muhakime yighini ötküzülgen bolup, igilishimizche, mezkur mexsus türde ili Uyghur chaqchaqliri heqqide ötküzülgen muhakime yighinining asasliq témisi Uyghurlarning "Hazirqi zamandiki nesirdin ependisi" dep hörmetlen'gen meshhur chaqchaqchi we letipichi merhum hisam qurbanning ijadiy hayati, uning chaqchaqchiliq uslubi we chaqchaqchiliqtiki exlaq-peziletliri hem bashqa mesililerge qaritilghan bolup, bu heqte mexsus ilmiy maqaliler we bashqa türlük eserler oqulghan.

Tengritagh torimu mezkur pa'aliyet heqqide uchur tarqatqan bolup, yighin ehli ili chaqchaqchiliri, jümlidin Uyghur chaqchaqchilirining ijtima'iy, medeniyet we ilmiy qimmetliri heqqide pikir bayan qilish bilen birge, Uyghur chaqchaqlirini qézish, retlesh we tetqiq qilishni kücheytishni otturigha qoyushqan.

Melumki, chaqchaq we letipe dunyadiki her millet xelqlirining éghiz ijadiyet sen'itidiki muhim zhanirdur. Uyghur chaqchaqchiliq sen'itimu Uyghurlar, jümlidin türkiy xelqler éghiz ijadiyitining muhim bir qismidur. Uyghur yéqinqi zaman tarixida xéli köp sanda meshhur chaqchaqchi-letipichiler yétiship chiqip, Uyghur xelqining qelbidin orun alghan, chünki ular Uyghurlarning arzu-armanlirini, uchrighan zulum-külpetlirini, jümlidin siyasiy, iqtisadiy we ijtima'iy bésimlarni mahirliq bilen qamchilighan idi.

Toluq bet