Az sanliq milletler sen'et körikide Uyghurlargha siyasiy teshwiqat nomuri orunlash wezipe qilindi

Muxbirimiz méhriban
2016-08-16
Élxet
Pikir
Share
Print

Xitayning junggo xewerler toridin melum bolushiche, 16-awghust seyshenbe küni xitay paytexti béyjingda ötküzülgen 5-nöwetlik az sanliq milletler sen'et körikide chégra rayon eskerliri medhiyilinidighan "Muz taghdin kelgen méhman", "Chégra éghizidiki chüsh" namliq opéralar orunlan'ghan.

Xewerde bérilgen izahatta: "1963-Yili ishlen'gen'muz taghdin kelgen méhman' filimida chégra rayondiki eskerler bilen düshmen küchler otturisidiki keskin küresh eks ettürülgenliki, mezkur weqelikning bu qétim Uyghur we xitay artislirining qatnishishida opéra qilip orunlinishi, klassik eserlerni qayta namayan qilish bolupla qalmastin, belki milletler ara héssiyatni kücheytishte türtkilik rol oynaydighanliqi" alahide tilgha élin'ghan. Xewerde yene "Ichki mongghul, Uyghur, tibet qatarliq aptonom rayonlardiki xitay azadliq armiyisi sen'et ömikidiki 14 millettin terkib tapqan 230 artisning orunlishidiki 'chégra éghizidiki chüsh' opérasida chégra boyliridiki az sanliq milletlerning xitay azadliq armiyisi bilen bolghan dostluq hemkarliqi we bu milletlerning wetenperwerlik idiyisi eks ettürülgenliki" qeyt qilin'ghan.

Melum bolushiche, 1980-yili xitayda tunji nöwetlik az sanliq milletler sen'et köriki ötküzülgen. 2000-Yildin bashlap bu körekni her 5 yilda bir qétim ötküzülüsh belgilen'gen. Her qétimliq sen'et körikide xitay kompartiyisini we xitay hökümitini medhiyileydighan sen'et eserlirining orunlinishi diqqet qozghighan bolup, xitay hökümitining siyasiy teshwiqati meqset qilin'ghan bundaq sen'et pa'aliyetliri, chet'ellerdiki xitay hökümitining siyasitige qarshi Uyghur, tibet, mongghul teshkilatliri we gherb démokratik döletlerdiki kishilik hoquq teshkilatliri, gherb dölet hökümetliri teripidin "Sen'etleshken siyasiy teshwiqat arqiliq ménge yuyush herikiti" dep teriplinip tenqidke uchrimaqta.

Toluq bet