“лондон йипәк йоли коллектипи” 18-сентәбирдин башлап данийәдә уйғур сәнитини тонуштуридикән

“лондон йипәк йоли коллектипи” 18-сентәбирдин башлап данийәниң алборг, копенһаген, норе снед қатарлиқ шәһәрлиридә 3 қетимлиқ уйғур музика кечилики өткүзүп, данийәликләргә уйғур сәнитини тонуштуридикән.

Мәзкур паалийәттин хәвәрдар затларниң ейтишичә, “уйғур музикиси вә башқилар” намлиқ мәзкур сәнәт өмики бу паалийәт арқилиқ “ирқий қирғинчилиқ” қа учраватқан, мол сәнәт байлиқиға игә уйғур хәлқини қутқузуп қелишниң қанчилик муһим вә зөрүрликини оттуриға қойидикән. Мәзкур сәнәт өмики, гәрчә уйғурлар хитайниң ирқий қирғинчилиқиға учраватқан болсиму, бирақ уйғурларниң ‍өз һаяти күчини йоқатмиғанлиқини җакарлаш билән бирликтә, уйғур мәдәнийәт-сәнитини қоғдап қелиштики қәтий ирадисини намайән қилидикән.

“лондон йипәк йоли коллектипи” ниң мәзкур паалийәт һәққидики еланида ейтилишичә, сәнәт колликтипи рейчел һаррис, сәрдар мирзахоҗайеф, камил аббас қатарлиқ музикантлар вә әнгилийәдә турушлиқ паалийәтчи вә нахшичи рәһимә маһмут қатарлиқлардин тәшкил тапқан икән. Еланда 3 күнлүк паалийәтниң тунҗи мәйдан сәнәт кечилики 18-сентәбир алборг шәһридә ‍өткүзүлидиғанлиқи, 19-сентәбир копенһаген шәһиридә, 20-сентәбир норе снед шәһәрлиридә өкүзүлидиғанлиқи билдүрүлгән.