Londondiki “Uyghur sot kollégiyesi” Uyghur shahitlirining guwahliqlirini anglashqa bashlidi

En'giliye paytexti londondiki “Uyghur sot kollégiyesi” 4-iyul resmi bashlandi. Mezkur musteqil sot kollégiyesi delillerni körüp chiqip, xitayning Uyghurlargha qaratqan depsandichilikining “‍Irqiy qirghinchiliq” teshkil qilidighan yaki qilmaydighanliqini qarar qilidu. Birleshme agéntliqining xewer qilishiche, 4-‍iyun bashlan'ghan sot ‍aldimizidiki 4 kün jeryanida shahitlarning guwahliqlirini anglaydiken.

Közütküchiler, xelq'ara jinayi ishlar sot mehkimisining sabiq bash teptishi, en'giliyelik ataqliq adwokat jéfréy nayis bash sotchi bolghan mezkur xelq sotining hökümetlerni mejburlash küchi bolmisimu, biraq uning simwulliq ehmiyitining zor ikenlikini bildürmekte. Birleshme agéntliqining xewiride éytilishiche, sotta tunji bolup lagér shahiti qelbinur sidiq guwahliq bergen. U guwahliq sözide: “Lagérdiki qarawullar mehbuslargha insandek mu'amile qilmaytti. Ulargha ittinmu better mu'amile qilatti,” dégen.

Birleshme ‍agéntliqining xewiride, xitay hökümiti bu jehettiki eyibleshlerni ret qilsimu, biraq londondiki musteqil sot xitayning Uyghurlargha we bashqa musulman türkiy az sanliq milletlerge qaritilghan depsendichilik jinayitini jawabkarliqqa tartishning eng yéngi qedimi ‍ikenliki tekitlen'gen. Xewerde éytilishiche, xitayning londonda turushliq ‍elchixanisi ularning bu sot heqqidiki su'aligha jawab bermigen.