Uyghur sot kollégiyesining sot hökümi her sahe kishilirini teqezza qilmaqta

Muxbirimiz eziz
2021-11-23
Share

Xitay hökümitining Uyghur diyaridiki qirghinchiliq qilmishigha qarap chiqish meqsididiki london Uyghur sot kollégiyesining guwahliq yighini 2021-yilining özide ikki qétim chaqirilghan hemde bir qatar guwahliqlar otturigha chiqqanidi. Emdi mezkur sotning axirqi hökümni élan qilish basquchi yéqinlawatqan bolup, her sahe kishiliri bu hökümni teqezzaliq bilen kütmekte iken.

"Kündilik xiristiyanlar" torining 22-noyabirdiki xewiride éytilishiche, Uyghur sot kollégiyesining guwahliq soti heqqidiki hökümi 9-dékabir élan qilinidiken. Shuning bilen birge höküm élan qilish yighinidin kéyin muxbirlarni kütüwélish yighini ötküzilidiken. Guwahliq yighinida shunche köp ispatlar otturigha chüshken bolsimu, xitay hökümiti hazirghiche "Insaniyetke qarshi jinayet" dep atiliwatqan bu qilmishlarni inkar qilip kelmektiken.

Halbuki Uyghur diyarida biwaste tekshürüshte bolghan chet'ellik seyyahlar, jümlidin jéffériy kayin, patrik wak, kanor xéliy qatarliqlar xitay hökümitining Uyghur diyaridiki qirghinchiliq qilmishining türlük delillirini biwaste körgen bolup, ular bu heqtiki yazmilirida "Bu rayon'gha kelgende özümni shimaliy koriyege bérip qalghandek hés qildim" dégen idi. Radiyomiz delilligen köpligen ré'alliqmu bu heqtiki nurghunlighan doklatlarning matériyal menbesi bolghanidi. Shu sewebtinmu Uyghur sot kollégiyesining bu heqtiki axirqi hökümi nöwette nurghun kishini teqezza qilmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet