Xitay xelq'araning Uyghur diyarida musteqil tekshürüsh élip bérishigha yol qoymaydighanliqini bildürgen

Muxbirimiz erkin
2020-08-03
Élxet
Pikir
Share
Print

Xitay xelq'araning Uyghur diyarida musteqil tekshürüsh élip bérishigha yol qoymaydighanliqini bildürgen. Xitay da'irilirining tekitlishiche, ular musteqil tekshürüshning adil bolushigha ishenmeydiken. Bu, xitay da'irilirining tunji qétim néme üchün xelq'araning Uyghur diyarida musteqil tekshürüsh élip bérish teleplirini izchil ret qilip kéliwatqanliqigha chüshenche bérishidur. Xitay "Yershari waqti" gézitining 2-awghust xewer qilishiche, xitay xelq'ara musteqil közetküchilerning shinjang Uyghur aptonom rayonida kishilik hoquq tekshürüshi élip bérishigha yol qoymaydiken.

Xewerde, bu "Bezi döletlerning özidin perqliq bolghan döletlerni bésishtiki bir xil tuzaq" ikenliki, uning "Adalet élip kelmey, ighwani téximu awutidighanliqi" tekitlen'gen. "Yershari waqti" gézitining tekitlishiche, xitayning firansiyede turushluq elchixanisi firansiye tashqi ishlar ministiri lé deriyanning bu heqtiki chaqiriqigha 2-awghust küni qayturghan inkasida bu bahanini körsetken. Lé deriyan ötken hepte b d t ning Uyghur diyarida tekshürüsh élip bérishini telep qilghan.

U ötken hepte firansiye parlamént ezalirigha söz qilip, "Ular(xitay) méning sözlirimni asassiz dégen bolsa, biz b d t kishilik hoquq aliy komissari mishél bashiléyning hemrahliqida musteqil xelq'ara közetküchilerni ewetishni teklip qilimiz" dégenidi. Lékin "Yershari waqti" gézitining tekitlishiche, xitay elchixanisi bu heqtiki bayanatida, "Yalghanchiliq asasidiki atalmish'xelq'ara musteqil tekshürüsh'ning adalet élip kelmeydighanliqi", "Belki ighwani téximu awutidighanliqi we uninggha téximu ilham béridighanliqi" ni ilgiri sürgen. Közetküchilerning tekitlishiche, eger xitayning yoshuridighan nersisi bolmisa, xelq'ara musteqil közeküchilerning rayonda tekshürüsh élip bérishigha yol qoyattiken.

Toluq bet