Хитай даирилири ақсу вилайитидә шәһәр-йеза аһалилиридин 590 миң адәм қетим тәрбийәләш елип бардиғанлиқини елан қилған

Мухбиримиз әркин
2020-12-07
Share

Хитай даирилири уйғур елиниң ақсу вилайитидә бу йил қиш вә келәр йиллиқ әтияз пәслидә шәһәр-йеза аһалилиридин 590 миң адәм қетим кәспий тәрбийәләш елип баридиғанлиқини елан қилған. Хитай таратқулириниң тәкитклишичә, йәрлик даириләр мәзкур тәрбийәләш пиланиға "пән-техника қишлиқи" дәп нам бәргән. Ақсу вилайити хитай һөкүмитиниң 2017-йили башланған чоң тутқунидин буян хитай пахта-тоқумучилиқ карханилириниң әң чоң базисиға айланған вилайәт. Уйғур кишилик һоқуқ тәшкилатлириниң илгири сүрүшичә, "санаәт бағчилири" дики бу карханиларда он миңлиған уйғур ишләмчи мәҗбурий әмгәккә сәлинмақта икән.

Америка малийә министирлиқи бу йил 5-айда ақсудики хуафу тоқумучилиқ шеркитигә уйғурларни мәҗбурий әмгәккә селип, уларниң "кишилик һоқуқини дәпсәндә қилғанлиқи вә хорлиғанлиқи" сәвәблик имбарго қойған. Бу ширкәтни малийә министирлиқиниң қара тизимликигә алған иди. "ақсу гезити" ниң хәвәридә тәкитлишичә, бу қетимқи тәрбийәләш паалийитидә курсантларға "сиясәттин лексийә сөзләш күчәйтилип, ‹җоңхуа миллити ортақ гәвдиси' еңини мустәһкәмләшкә йитәкләйдикән."

Хәвәрдә йәнә "қандақ иш қилса шундақ техника маһарити, қандақ иқтисаслиқлар кәмчил болса шундақ иқтисаслиқлар йитилдүрүлидиғанлиқи, әмәлийәтчил вә әсқатидиған болуш принсипи мәвқә қилинидиғанлиқи" ни билдүргән. Кишилик һоқуқ тәшкилатлириниң қәйт қилишичә, хитай һөкүмити йеқинқи 3-4 йил ичидә мустәқил уйғур кассиплирини тутқун қилип, тутқунларни хитай карханилирида ишләшкә мәҗбурий йиғивалған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт