Uyghur teshkilatliri 1 - öktebir künide dunyaning her qaysi jaylirida namayish ötküzmekchi

Muxbirimiz ümidwar
2013-09-29
Élxet
Pikir
Share
Print


1 - Öktebir küni, xitay xelq jumhuriyitining dölet bayrimi munasiwiti bilen chet'ellerdiki Uyghur teshkilatliri özliri turiwatqan döletlerdiki xitay elchixaniliri we konsulxanilirining aldida naraziliq namayishi ötküzidighanliqini élan qildi.

Amérika Uyghurliri birleshmisining tor bétidiki uchurlardin melum bolushiche, amérika Uyghurliri jem'iyiti 30 - séntebir küni washin'gtondiki xitay bash elchixanisi aldida tinch naraziliq namayishi ötküzidighanliqini élan qildi.

1 - Öktebir künliri yene gérmaniye, kanada, norwégiye we bashqa döletlerdiki Uyghur ammiwi jemiyetlirimu naraziliq namayishliri ötküzüp, xitay xelq jumhuriyitining Uyghurlar diyarini ishghal qilghanliqining 64 yilliqi we xitay da'irilirining yéqinqi waqitlardin buyan téximu kücheytken basturush we milliy kemsitish siyasitige naraziliq bildüridighanliqini jakarlighan.

Melum bolushiche, dunya Uyghur qurultiyi, 1 - öktebir künini Uyghurlarning "Matem küni" qilip békitip, her qaysi ellerde turushluq Uyghur jama'itidin her yili bu künde naraziliq namayishliri ötküzüsh, toy - tökün qilmasliq we bashqilarni telep qilghan idi.

Toluq bet