Уйғур тәтқиқатиға беғишланған йеңи китаб - «қәшқәрдә қайта учришиш» брил нәшрияти тәрипидин нәшр қилинмақчи

Мухбиримиз қутлан
2016-07-04
Елхәт
Пикир
Share
Принт

Игилинишичә, уйғур тәтқиқатиға беғишланған әң йеңи китаб - «қәшқәрдә қайта учришиш» әнглийәдики брил нәшрияти тәрипидин нәшр қилиниш алдида турмақтикән.

Мәзкур китаб уйғур тәтқиқати саһәсидики 16 нәпәр тәтқиқатчиниң уйғур тили, мәдәнийити, тарихи, фолклори шундақла бүгүнки уйғур җәмийити һәққидики антропологийәлик тәтқиқатларға беғишланған илмий мақалилиридин һәмдә йеқинқи заман уйғур тил- йезиқидики тарихий һөҗҗәтләр вә вәсиқиләрдин тәшкил тапқан икән.

Мәзкур китаб мәшһур шивет уйғуршунаси гуннар ярриңни яд етиш мунасивити билән 2013-йили данийәниң копенһаген университетида уйғуршунаслиқ бойичә өткүзүлгән хәлқара илмий муһакимә йиғининиң мақалилири асасида йоруқлуққа чиққан.

«Қәшқәрдә қайта учришиш» намлиқ бу китабни копенһаген университетиниң дотсенти илдико белләр хан, ситокһолм университетиниң профессори биргит шилитер, японийәлик тәтқиқатчи җун сугавара қатарлиқлар нәшргә тәйярлиған.

Мәлум болушичә, «қәшқәрдә қайта учришиш» намлиқ бу китаб брил нәшриятиниң уйғур тәтқиқати саһәсидә нәшр қилиш алдида турған йәнә бир йеңи китаби болуп, мәзкур нәшрият йеқинқи йиллардин буян уйғур тәтқиқати саһәсидә көплигән илмий әсәрләрни йоруқлуққа чиқарған.

Пикирләр (0)
Share
Толуқ бәт