Uyghur tetqiqatigha béghishlan'ghan yéngi kitab - “Qeshqerde qayta uchrishish” bril neshriyati teripidin neshr qilinmaqchi

Muxbirimiz qutlan
2016.07.04

Igilinishiche, Uyghur tetqiqatigha béghishlan'ghan eng yéngi kitab - “Qeshqerde qayta uchrishish” en'gliyediki bril neshriyati teripidin neshr qilinish aldida turmaqtiken.

Mezkur kitab Uyghur tetqiqati sahesidiki 16 neper tetqiqatchining Uyghur tili, medeniyiti, tarixi, folklori shundaqla bügünki Uyghur jem'iyiti heqqidiki antropologiyelik tetqiqatlargha béghishlan'ghan ilmiy maqaliliridin hemde yéqinqi zaman Uyghur til- yéziqidiki tarixiy höjjetler we wesiqilerdin teshkil tapqan iken.

Mezkur kitab meshhur shiwét Uyghurshunasi gunnar yarringni yad étish munasiwiti bilen 2013-yili daniyening kopénhagén uniwérsitétida Uyghurshunasliq boyiche ötküzülgen xelq'ara ilmiy muhakime yighinining maqaliliri asasida yoruqluqqa chiqqan.

“Qeshqerde qayta uchrishish” namliq bu kitabni kopénhagén uniwérsitétining dotsénti ildiko béller xan, sitokholm uniwérsitétining proféssori birgit shilitér, yaponiyelik tetqiqatchi jun sugawara qatarliqlar neshrge teyyarlighan.

Melum bolushiche, “Qeshqerde qayta uchrishish” namliq bu kitab bril neshriyatining Uyghur tetqiqati saheside neshr qilish aldida turghan yene bir yéngi kitabi bolup, mezkur neshriyat yéqinqi yillardin buyan Uyghur tetqiqati saheside köpligen ilmiy eserlerni yoruqluqqa chiqarghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.