Uyghur tébabet dorilirining sétilish nisbiti ashmaqta

Muxbirimiz ümidwar
2016-07-17
Share

Xitay axbarat wasitilirining xewer qilishiche, nöwette Uyghur milliy tébabet dorilirining Uyghur rayonidiki sétilish nisbiti téz ashmaqta, Uyghur milliy tébabet doriliridin mexsus zukamni dawalaydighan"Zukam jewhiri"ning sétilish sommmisi 2015 - yili, 100 milyon somdin ashqan.

Xelq torining bu heqqidiki xewiride éytilishiche, Uyghur aptonom rayonida 81 dora ishlepchiqirish karxanisi bar bolup, buning ichide xitay tébabiti we Uyghur milliy tébabiti dorilirini ishlepchiqiridighan karxanidin 12 si bar iken. Mexsus Uyghur tébabet dorilirini ishlepchiqiridighan "Yindolen" Uyghur tibabet pay chéki shirkitining tibabet dorilirining sétilish sommisi her yili 40 pirsentlik sür'et bilen ashqan.

Emma, Uyghur tibabet dorilirining pütün xitay miqyasidiki qollinish we sétilish ehwali heqqide melumat yoq bolup, inkaslardin melum bolushiche, Uyghur tibabet doriliri asasiy jehettin Uyghur rayoni ichide tarqilish halitide bolup, qismen türde qoshna ottura asiya ellirigimu tarqilishqa bashlighan.

Melum bolushiche, Uyghur tibabet dorilirini yasap uni xelq'ara bazargha sélishta türkiyede yashaydighan meshhur Uyghur milliy tibabet mutexessisi, ürümchidiki Uyghur tébabet doxturxanisining sabiq mes'uli, proféssor muhemmed ömer nezer ependimu yillardin buyan zor tirishchanliq körsitip, bir qisim Uyghur tibabet dorilirini "Farabim"namliq marka süpitide öz igidarchiliqidiki dora zawutida yasap tarqitip, türkiyediki we bashqa ellerdiki bimarlarning alqishigha érishken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet