Uyghur éli bilen tibettiki xitay xewpsizlik qisimlirining herbiy alaqisini kücheytishi diqqet qozghimaqta

Muxbirimiz irade
2019-01-23
Élxet
Pikir
Share
Print

Uyghur élida turushluq xitay xewpsizlik qi'ismliri nöwette tibet qatarliq bashqa chégra rayon xewpsizlik qisimliri bilen bolghan herbiy hemkarliqini jiddiy kücheytmektiken.

"Xelq'ara tibet herikiti" ning xewer qilishiche, Uyghur élida turushluq xitay dölet xewpsizliki qisimliri bilen chingxey ölkilik xewpsizlik qi'ismliri chégra rayonlarda bir qanche qétim birleshme herbiy meshiq élip barghan bolup, bu ehwal yuqiriqi bu ikki rayondiki qamalning yenimu artidighanliqidin dérek béridiken.

Xitayning hökümet taratquliri bu heqte tarqatqan xewiride bu herbiy meshiqlerning xitay tilida "Chiyentang" tebi'iy rayoni we Uyghur élining chingxey bilen chigralinidighan altun tagh tebi'iy rayoni qatarliq 3 chégra rayonda élip bérilghanliqini we bu meshiqlerde yéngi türdiki uchquchisiz ayropilanlarning sinaq qilin'ghanliqini bildürgen.

Melum bolushiche, Uyghur we chingxey ölkisidiki xewpsizlik qisimliri üchün tibetchide "Gari" dep atilidighan chégra rayonida mexsus bir herbiy meshiq rayoni tesis qilin'ghandin bashqa, bu tebi'iy rayonlargha herqandaq bir guruppa we shexsining kirishimu qet'iy cheklinidiken.

"Xelq'ara tibet herikiti" ning xewiride mulahize qilishiche, yuqiriqi bu 3 taghliq chégra rayonda bixeterlik tedbirlirining kücheytilishi Uyghur éli we tibet rayonlirining yenimu ilgiriligen halda qamal qilin'ghanliqi we bundin kéyin chégra atlap xitaydin chiqip kétishining imkansiz halgha kelgenlikidin dérek béridiken.

Téxi yéqinda Uyghur éli da'iriliri ningshya tunggan aptonom rayoni bilenmu atalmish "Térrorluqqa qarshi turush hemkarliq kélishimi" imzalap, ikki rayon arisidiki xewpsizlik hemkarliqini kücheytmekchi bolghan idi.

Toluq bet