Б д т кишилик һоқуқ алий комиссари уйғур ели вә тибәттики бесим сиясәтлирини тәнқид қилған

Мухбиримиз ирадә
2017-03-08
Share

Бирләшкән дөләтләр тәшкилати кишилик һоқуқ алий комиссари зейид раад әл һүсәйин 8-март күни җәнвәдә қилған сөзидә, хитай һөкүмитиниң уйғур ели вә тибәттә йүргүзүватқан миллий вә дини бесим сияситини тәнқид қилған.

Кишилик һоқуқ алий комиссарлиқиниң тор бетидики хәвәрдин мәлум болушичә, кишилик һоқуқ кеңишиниң җәнвәдә давамлишиватқан йиғинида, чаршәнбә күни әтигән кишилик һоқуқ алий комиссари зейид һүсәйин 40 тин артуқ дөләтниң кишилик һоқуқ хатириси үстидә доклат берип өткән. У доклатиниң хитайға аит қисмида хитайдики етник милләтләрниң миллий вә дини һоқуқлириниң чәклимигә учраш мәсилисини тилға елип; "мени, болупму шинҗаң вә тибәттики дини вә миллий бесим вәқәлири қаттиқ сарасимға салди. Мән хитайға кишилик һоқуқ мәсилилиридә сөһбәт өткүзүшниң әһмийитини давамлиқ тәкитләймән" дегән.

У сөзидә йәнә хитай һөкүмитиниң кишилик һоқуқ кеңишидә рәһбәрлик орнини елишни тәләп қилғанлиқини әскәртип туруп; "хитай 30 йилдин буян нурғун кишини намратлиқтин қутулдуруп, сәһийә -маарип вә параванлиқ ишлирида зор илгириләшләрни һасил қилған болсиму, әмма бу охшаш вақитта йәнә кишилик һоқуққа вә кишилик һоқуқ актиплириға һөрмәт қилишниму өз ичигә елиши керәк, мән хитай һөкүмитиниң хәлқниң вә шундақла өз миллитиниң һоқуқлирини қолға кәлтүрүшкә тиришиватқан паалийәтчиләргә қарита қиливатқан қорқутуш, тутқун қилиш һәрикәтлиригә наразилиқ билдүримән" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт