Уйғур музика торлиридин иккиси “милләтләр иттипақлиқи” ға зиянлиқ нәрсиләрни тарқатқан, дәп тақалған

Мухбиримиз әркин
2016.01.28
Share on WhatsApp
Share on WhatsApp

Уйғур аптоном районлуқ тор учурлирини башқуруш ишханиси йеқинда уйғур музика торлиридин иккисини “милләтләр иттипақлиқи” ға зиянлиқ нәрсиләрни тарқатқан, дәп тақиған. “тәңритағ тори” ниң ашкарилишичә, даириләр тор пайлақчилириниң инкас қилиши билән уларниң “милләтләр иттипақлиқи” ға зиянлиқ нәрсиләрни тарқатқанлиқини байқиған.

Уйғур аптоном районлуқ тор учурлирини башқуруш ишханиси тақашни буйруған у икки тор адреси www.muzika.com Билән www.653130.Чом намлиқ торларкән. Аптоном районлуқ тор учурлирини башқуруш ишханиси баянатида, бу 2 торниң тәкшүрүлүватқанлиқини билдүргән.

Тәңритағ ториниң хәвиридә ашкарилишичә, даириләр бу йил 13‏-январ тор пайлақчилириниң паш қилиш учурини тапшурувелип, тәкшүрүш нәтиҗисидә бу икки торниң хитай хәлқ қурултийи “тор бихәтәрликини қоғдаш низами” билән “тор мулазимитини башқуруш низами” ға “хилаплиқ қилғанлиқи” ни байқиған.

Әмма хәвәрдә, бу икки музика ториниң “милләтләр иттипақлиқи” ға зиянлиқ конкрет қандақ мәзмунларни тарқатқанлиқини тилға алмиған.

Кишилик һоқуқни қоғдиғучилар илгири хитайниң “тор бихәтәрликини қоғдаш низами” ни тәнқидләп, мәзкур низам учур вә пикир әркинликини боғиду, дәп тәнқид қилған.

Д у қ баянатчиси дилшат ришит, аптоном районлуқ тор башқуруш даирилириниң бу қарари, районда учур вә пикир әркинликиниң қаттиқ боғушқа учраватқанлиқини көрситиду, деди. У, бу хил контроллуқ уйғур торчилиқиниң тәрәққиятиға қаттиқ тосқунлуқ қиливатқанлиқини билдүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт