Uyghur muzika torliridin ikkisi “Milletler ittipaqliqi” gha ziyanliq nersilerni tarqatqan, dep taqalghan

Muxbirimiz erkin
2016.01.28
Share on WhatsApp
Share on WhatsApp

Uyghur aptonom rayonluq tor uchurlirini bashqurush ishxanisi yéqinda Uyghur muzika torliridin ikkisini “Milletler ittipaqliqi” gha ziyanliq nersilerni tarqatqan, dep taqighan. “Tengritagh tori” ning ashkarilishiche, da'iriler tor paylaqchilirining inkas qilishi bilen ularning “Milletler ittipaqliqi” gha ziyanliq nersilerni tarqatqanliqini bayqighan.

Uyghur aptonom rayonluq tor uchurlirini bashqurush ishxanisi taqashni buyrughan u ikki tor adrési www.muzika.com Bilen www.653130.Chom namliq torlarken. Aptonom rayonluq tor uchurlirini bashqurush ishxanisi bayanatida, bu 2 torning tekshürülüwatqanliqini bildürgen.

Tengritagh torining xewiride ashkarilishiche, da'iriler bu yil 13‏-yanwar tor paylaqchilirining pash qilish uchurini tapshuruwélip, tekshürüsh netijiside bu ikki torning xitay xelq qurultiyi “Tor bixeterlikini qoghdash nizami” bilen “Tor mulazimitini bashqurush nizami” gha “Xilapliq qilghanliqi” ni bayqighan.

Emma xewerde, bu ikki muzika torining “Milletler ittipaqliqi” gha ziyanliq konkrét qandaq mezmunlarni tarqatqanliqini tilgha almighan.

Kishilik hoquqni qoghdighuchilar ilgiri xitayning “Tor bixeterlikini qoghdash nizami” ni tenqidlep, mezkur nizam uchur we pikir erkinlikini boghidu, dep tenqid qilghan.

D u q bayanatchisi dilshat rishit, aptonom rayonluq tor bashqurush da'irilirining bu qarari, rayonda uchur we pikir erkinlikining qattiq boghushqa uchrawatqanliqini körsitidu, dédi. U, bu xil kontrolluq Uyghur torchiliqining tereqqiyatigha qattiq tosqunluq qiliwatqanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet