Уйғур районида таратқуларни башқурушта юғурулма тәрәққият пилани йолға қоюлмақчи

Мухбиримиз шөһрәт һошур
2016.10.19
Share on WhatsApp
Share on WhatsApp

Уйғур районлуқ һөкүмәтниң орган тили болған тәңритағ торида бүгүн хәвәр қилинишичә, даириләр таратқуларни башқурушта юғурулма тәрәққият намидики йеңи бир пиланни йолға қоймақчи.

Хәвәрдин мәлум болушичә, уйғур аптоном районлуқ сиясий кеңәш 18-өктәбир күни чүштин бурун “әнәниви таратқулар билән йеңи таратқуларниң юғурулма тәрәққиятини илгири сүрүш” дегән темида йиғин өткүзгән.

Йиғинда әбәдий әминлик вә муқимлиққа кепиллик қелиш үчүн, ахбарат вә җамаәт пикри саһәсидә тәшәббускар орунда турушниң зөрүрлүки тәкитләнгән вә юғурулма тәрәққият пиланини изчиллаштуруш тәшәббус қилинған. Әмма, хәвәрдә юғурулма тәрәққият пиланиниң конкрет чарә-тәдбирлири тилға елинмиған.

Бәзи көзәткүчиләр, уйғур районда йеқинда йүз бәргән бозқир вә мисраним торлириниң тақилиши, тор башқурғучи вә язғучилириниң тутулуши, шундақла бағдаш қатарлиқ алқишлиқ торларда бәзән һөкүмәт чақириқлириниң орун елишини, әнә шу юғулма тәрәққият пиланиниң иҗраатиниң бир парчиси болуши мумкин дәп қарашмақта.

Бу хил қараштики көзәткүчиләрдин йолвас әпәндиниң баян қилишичә, юғурулма тәрәққият, хитай дөләт ахбарат органлириниң уйғур иҗтимаий вә шәхсий торбәтлирини ютувелиш вә өзи үчүн хизмәт қилдуруш җәрянидур.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.