"Uyghur sot kollégiyesi" ning ning 2-qétimliq guwahliq anglash yighini 10-séntebir bashlandi

Muxbirimiz erkin
2021-09-10
Share

Xitayning Uyghurlargha irqiy qirghinchiliq we insaniyetke qarshi jinayet sadir qilghan-qilmighanliqigha höküm qilishni meqset qilghan london "Uyghur sot kollégiyesi" ning 2-basquchliq guwahliq anglash yighini 10-séntebir bashlan'ghan.

Melum bolushiche, 13-séntebirge qeder dawamlishidighan 2-basquchliq guwahliq anglash yighini dawamliq tetqiqetchilar, mutexesissler, adwokatlar, pa'aliyetchiler we shahitlarning guwahliqini anglap, xitayning Uyghurlarni asas qilghan rayondiki bashqa musulman az sanliq milletlerge qarita irqiy qirghinchiliq hem insaniyetke qarshi jinayet sadir qilghanliqigha a'it delillerni közdin kechüridiken.

Mezkur sot kollégiyesining 1-basquchliq guwahliq anglash yighini bu yil 6-ayda ötküzülgen. 1-Basquchliq guwahliq anglash yighinida jaza lagérliridiki qiyin-qistaq we basqunchiliqqa a'it deliller anglap ötülgen idi. En'giliye "Sikay xewerliri" ning 10 séntebir xewiride éytilishiche, "Uyghur sot kollégiyesi" ning bash sotchisi, ataqliq adwokat sir jéfréy nayis "Biz peqetla barliq pakitlargha qarap chiqip, qanunlargha tedbiqlaymiz shundaqla némilerning ispatlan'ghanliqigha qarar qilimiz," dégen.

Biraq mezkur xelq soti xitay da'irilirini izchil bi'aram qilip keldi. Xitay tashqiy ishlar ministirliqi 9-séntebir axbarat yighini chaqirip, londonda échqlmaqchi bolghan "Uyghur sot kollégiyesi" ning ikkinchi qétimliq guwahliq anglash yighinigha hujum qilghan.

"Sikay xewerliri" ning éytishiche, xitayning en'gliyediki elchisi jéng zégu'ang delillerning "Yalghanchiliq we saxta uchurdin bashqe nerse emesliki" ni bildürgen. Uning qarishiche, "Uyghur sot kolligiyesi" mahiyette "Xitayning inawitige dexli qilishni meqset qilghan siyasiy monopolluq" iken. Biraq sir jéfréy nayis: "Eger bash elchi bundaq axbarat yighinlirini échish ornigha sotqa qatniship, xitay xelq jumhuriyitige wakaleten ‍özining nuqti'iynezerini bayan qilghan bolsa, téximu obdan bolatti," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet