Uyghur élidiki weziyet qorqunchluq fantaziyege oxshitildi

Muxbirimiz irade
2019-01-17
Élxet
Pikir
Share
Print

Uyghur élidiki lagérlar heqqide muhim uchurlarni ashkarilawatqan "Zimistan" torida charshenbe küni "Shinjangdiki distopiyelik ré'alliq" témisidiki bir parche maqale élan qilinip, kishige qorqunchluq fantaziyelik filimlarni eslitidighan, ré'alliqtin tolimu uzaq bilinsimu, emma Uyghur élide hazir yüz bériwatqan tolimu ré'al bir bir weziyet süretlep bérilgen.

Maqale aptori ruz in'gram Uyghur élide nöwette yolgha qoyuluwatqan barliq bixeterlik tedbirliri üstide toxtilip, u yerdiki herbir kishining hazir atalmish bir "Térrorluqqa qarshi xelq urushi" ning bir parchisi bolushqa mejburliniwatqanliqini, buni ret qilghuchilarning bolsa özini "Qayta terbiye lagérliri" da körüwatqanliqini bildürgen.

Uning bildürüshiche, Uyghur élidiki herbir kishi xitay hökümiti ilgiri sürüwatqan "Körünmes düshmenler" bilen küresh qilidiken. Xitay hökümiti bolsa her bir Uyghurning siyasiy "Renggi" ni éniqlap chiqish üchün heriket qilip, rayonda tesewwur qilghusiz derijide bir qorqunch peyda qilghan. U "Uyghurlarning kündilik hayati qorqunchluq bir chüshke oxshitip qoyuldi," dégen.

Toluq bet