Уйғурлар диярида йеңи бир нөвәтлик сиясий һәрикәтниң бешарити көрүлмәктә

Мухбиримиз әзиз
2019-07-11
Елхәт
Пикир
Share
Принт

Хитай һөкүмитиниң уйғурлар дияридики бастуруш сиясити хәлқараниң күчлүк тәнқидигә дуч келиватқанда йәнә бир қетимлиқ йеңи сиясий долқунниң йетип келиш алдида туруватқанлиқи мәлум болмақта.

Хитай башқурушидики «тәңритағ» ториниң 11-июлдики хәвиридә ейтилишичә, 6-июндин 15-июнғичә өлкә дәриҗилик 65 нәпәр рәһбирий кадир йепиқ шәкиллик өгинишкә тәшкилләнгән. Партком секретари чен чүәнго бу җәрянда икки нөвәт мәхсус көрсәтмә характерлик лексийә бәргән. Улар бу җәрянда ши җинпиңниң бир қисим әсәрлирини һәмдә «шинҗаң хизмити һәққидики муһим йолйоруқлири» ни өгәнгән. Шуниң билән биргә «мәсилини чоңқурлап тәкшүрүш, мәнбәсини қезиш, өгинишни әң ички йүрәк-бағриғичә йәткүзүш» кә тәшкилләнгән.

Июнниң бешидин тартип һәрқайси җайлардики һөкүмәтләр ши җинпиңниң «әҗдадларниң арзусини унтумаслиқ, бурчни мәһкәм әстә сақлаш» темисидики тәрбийә хизмәт йиғинини омумлаштуруватқан болуп, «ши җинпиң ядролуқидики партийә мәркизий комитетиниң шинҗаңни идарә қилиш истратегийәсини, иҗтимаий муқимлиқ вә әбәдий әминлик бәрпа қилиштәк баш нишанни қети иҗра қилиш» чақириқи оттуриға қоюлуватқанлиқи мәлум.

Анализчилар бу һәқтә пикир қилип: «бу һал хитай даирилириниң аталмиш ‹иҗтимаий муқимлиқ' намида йәнә бир қетимлиқ зор көләмлик бастуруш һәрикитини иҗра қиливатқанлиқиниң бешарити» дәп көрсәтти.

Пикирләр (0)
Share
Толуқ бәт