Уйғур диярида «қара күчләргә зәрбә бериш күриши» техиму чоңқурлишиду

Мухбиримиз әзиз
2019-10-15
Елхәт
Пикир
Share
Принт

Уйғур диярида өткән йилдин буян давам қилип кәлгән «қара вә рәзил күчләргә зәрбә бериш һәрикити» давамида көплигән уйғур кадирлириниң тартип чиқилғанлиқи вә лагерға әвәтилгәнлики мәлум болғаниди. Йеқинда бу күрәшни техиму чоңқурлаштуруш чақириқи оттуриға қоюлди.

«Тәңритағ» ториниң 14-өктәбирдики хәвиридә ейтилишичә, уйғур аптоном районлуқ парткомниң секретари чен чүәнго 13-өктәбир күни ечилған аптоном районлуқ парткомниң кеңәйтилгән йиғинида «қара вә рәзил күчләргә зәрбә бериш һәрикити» тоғрисидики хизмәт доклатини аңлап чиққан, шундақла буниңдин кейинки хизмәтләр тоғрисида муһим йолйоруқларни бәргән.

Хәвәрдә ейтилишичә, бу қетимлиқ йиғинда өткән йиллардин буян давам қилип кәлгән «қара вә рәзил күчләргә зәрбә бериш һәрикити» дә қолға кәлгән нәтиҗиләр толуқ муәййәнләштүрүлгән. Шуниң билән биргә «төт тонуш», «төт ишәнч» қарашлирини мустәһкәмләш, «иккини һимайә қилиш» ни әмәлгә ашуруш асасида «зор шиҗаәт билән қара вә рәзил күчләрни техиму чоңқур қезип чиқиш, идийә вә әмәлий һәрикәттә партийә мәркизий комитетиниң орунлаштуруши билән қәтий бирдәкликни сақлаш» тәләп қилинған.

Лагер мәсилиси хәлқарада күчлүк тәнқидкә учраватқанда хитай һөкүмитиниң «қара вә рәзил күчләргә зәрбә бериш» һәрикитини техиму кеңәйтиши анализчиларниң күчлүк диққитини қозғиди. Америкадики уйғур паалийәтчиләрдин елшат һәсән бу тоғрисида тохтилип: «хитай һөкүмити 1949-йилидин буян уйғурларни бастуруш һәрикитини һечқачан тохтитип бақмиған. Бу қетим ‹қара вә рәзил күчләрни йоқитиш' намида уйғурларниң сәрхиллирини давамлиқ йоқатса бу һәрикәттин кейин башқа намдики йәнә бир бастуруш һәрикити оттуриға чиқиду» деди.

Пикирләр (0)
Share
Толуқ бәт