Uyghur diyarida "Qara küchlerge zerbe bérish kürishi" téximu chongqurlishidu

Muxbirimiz eziz
2019-10-15
Élxet
Pikir
Share
Print

Uyghur diyarida ötken yildin buyan dawam qilip kelgen "Qara we rezil küchlerge zerbe bérish herikiti" dawamida köpligen Uyghur kadirlirining tartip chiqilghanliqi we lagérgha ewetilgenliki melum bolghanidi. Yéqinda bu küreshni téximu chongqurlashturush chaqiriqi otturigha qoyuldi.

"Tengritagh" torining 14-öktebirdiki xewiride éytilishiche, Uyghur aptonom rayonluq partkomning sékrétari chén chüen'go 13-öktebir küni échilghan aptonom rayonluq partkomning kéngeytilgen yighinida "Qara we rezil küchlerge zerbe bérish herikiti" toghrisidiki xizmet doklatini anglap chiqqan, shundaqla buningdin kéyinki xizmetler toghrisida muhim yolyoruqlarni bergen.

Xewerde éytilishiche, bu qétimliq yighinda ötken yillardin buyan dawam qilip kelgen "Qara we rezil küchlerge zerbe bérish herikiti" de qolgha kelgen netijiler toluq mu'eyyenleshtürülgen. Shuning bilen birge "Töt tonush", "Töt ishench" qarashlirini mustehkemlesh, "Ikkini himaye qilish" ni emelge ashurush asasida "Zor shija'et bilen qara we rezil küchlerni téximu chongqur qézip chiqish, idiye we emeliy herikette partiye merkiziy komitétining orunlashturushi bilen qet'iy birdeklikni saqlash" telep qilin'ghan.

Lagér mesilisi xelq'arada küchlük tenqidke uchrawatqanda xitay hökümitining "Qara we rezil küchlerge zerbe bérish" herikitini téximu kéngeytishi analizchilarning küchlük diqqitini qozghidi. Amérikadiki Uyghur pa'aliyetchilerdin élshat hesen bu toghrisida toxtilip: "Xitay hökümiti 1949-yilidin buyan Uyghurlarni basturush herikitini héchqachan toxtitip baqmighan. Bu qétim 'qara we rezil küchlerni yoqitish' namida Uyghurlarning serxillirini dawamliq yoqatsa bu herikettin kéyin bashqa namdiki yene bir basturush herikiti otturigha chiqidu" dédi.

Toluq bet