Bayin'gholin oblastida herbir kentte birdin sotxana qurulghan

Muxbirimiz irade
2020-11-05
Share

Xitay hökümiti Uyghur élida xalighanche tutqun we jazalashni kücheytiwatqanliqini öz aghzi bilen élan qilmaqta.

14-Noyabir küni bayin'gholin oblastliq hökümetning tor bétide tarqitilghan bir xewerdin ashkarilinishiche, bayin'gholin oblasti yéqinda "Bir kent (mehelle) bir sotchi" xizmet méxanizmi ornatqan bolup, bu mixanimzmgha asasen oblast miqyasidiki herbir kent-mehellide bir sotchining ismi bilen atalghan 608 sotxana qurulghan.

"Bayin'gholin hökümet tori" xewiride mundaq déyilgen: ". . . Bu sotxanilar ammigha mulazimet qilip, edliye mulazimitini kishilerning ishik aldighiche kéngeytidu we kishilerge adilliq we adaletning barliqini heqiqiy hés qilduridu."

Yuqiriqi bu xewer chet ellerdiki Uyghur közetküchilirining küchlük diqqitini qozghidi. Dunya Uyghur qurultiyining bayanatchisi dilshat rishitning qarishiche, bu xitay hökümitining Uyghur élidiki qamal we nazaretni mislisiz kücheytkenliki, xalighanche tutqun qilish, adil we qanuniy sot tertipisiz halda jazalashni omumlashturuwatqanliqining namayendisi iken.

Radiyomiz ilgiri yerliktin éniqlighan uchurlarda lagérlargha qamalghanlar yaki tutqun qilin'ghanlargha bir parche qeghezge teyyar yézip qoyulghan sot hökümnamilirining héchqandaq sot tertipi bolmay turup tutquzup qoyuluwatqanliqi, tutqunlarning xalighanche 5-10 yilliqqiche késiliwatqanliqini delilligen idi.

"Bayin'gholin hökümet tori" bdiki xewerde bérilgen xewerde yene bir qatar diqqet qozghaydighan sanliq melumatlar bérilgen bolup, uningda töwendikiler diyilgen: "Istatistikigha qarighanda, bu yil kirgendin buyan, bayin'gholin oblasti kent (mehelle) sotchilirining xizmet ponkitigha tayinip turup, asasiy qatlam muresse teshkilatlirining 1300 din artuq ziddiyet we talash-tartishni hel qilishigha yétekchilik qilghan, 100 din artuq türlük qanun teshwiqati pa'aliyiti élip barghan, 22 ming terbiye körgenler we amma üchün 1600 qanuniy meslihet bergen. 315 Kenttiki dewa déloliri körünerlik azaydi, 127 kent yil boyi "Nöl dewa" bolushni qolgha keltürdi".

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet