Ersiz Uyghur a'ililirige xitay er kadirlirining kiriwélishi dawamliq diqqette bolmaqta

Muxbirimiz eziz
2019-11-12
Élxet
Pikir
Share
Print

Xitay hökümiti Uyghurlar diyarida mejburiy ijra qiliwatqan "Qoshmaq tughqan bolush" tedbiri boyiche bir qisim xitay kadirlirining Uyghur a'ililirige kirip yétiwatqanliqi heqqide köplep xewerler melum bolghanidi.

Yéqinda bu hadisining tolimu qebih bolghan yene bir yüzi köplep ashkarilinishqa bashlidi: ijtima'iy taratqularda ashkarilinishiche buningda erliri lagérlargha qamilip ketken Uyghur ayallirining öylirige "Qoshmaq tughqan" namida kirgen xitay er kadirlirining "Tötte bille bolush" namida Uyghur ayalliri bilen bir supida uxlishi hazir jiddiy kéngeymekte iken.

Yéqinda ijtima'iy taratqularda mushundaq bir er xitay kadirning nechche künlep yétiwalghan öydin méngish aldida shu öydiki ayal we uning baliliri bilen bille tamaq yégenliki, balilardin birining "(Xitay kadir) düshenbe küni chüshte atam kelse mangidu. Shundaqmu apa?" dep sorighanliqi keng tarqaldi. Buninggha oxshap kétidighan bashqa sin körünüshliri köp bolup, xitay hökümitining lagérdikilerni qiynash bilen birge, lagér sirtidiki Uyghurlarning hayatigha qandaq qismetlerni séliwatqanliqi janliq körsitildi.

Bu heqtiki sin körünüshlirige chüshken bahalarda beziler buni "Xitay hökümitining tarixta misli körülmigen usullar arqiliq Uyghurlarni mejburiy assimilyatsiye qilish wasitisi" dése, yene beziler "Bu sépi özidin irqiy qirghinchiliq" dégen.

Toluq bet