Hökümet teshwiqatchiliri ürümchide aliy mektep oqutquchilirigha weziyettin ders ötken

Tengritagh torining bügünki xewiridin melum bolushiche, Uyghur rayonluq hökümet teripidin teshkillen'gen bir teshwiqat guruppisi ürümchidiki aliy mektep oqutquchilirigha merkezde échilghan 18-qurultay we aptonom rayonda échilghan 9-qurultayning rohiy heqqide ders sözligen.

Xewerde déyilishiche, aliy mektep oqutquchiliri bu qétimliq derstin idiye we rohiy ozuq alghanliqi heqqide minnetdarliqlirini bildürüshken. Muhajirettiki Uyghur közetküchiler, rayondiki teshwiqat guruppa ezalirining medeniyet sewiyesige qarap emes, siyasiy aktipliqigha qarap tallinidighanliqini, shunga xewerde tilgha élin'ghan minnetdarliqining saxta ikenlikini ilgiri sürüshti.

Yéqinda radiyomizgha kelgen bir inkasta, Uyghur rayonining bezi yézilirida oqutquchi-oqughuchilarning paxta térish bilen waqti zaye boluwatqan bolsa, ürümchi qatarliq sheherlerdiki Uyghur oqutquchi, oqughuchilarning siyasiy öginish bilen waqti israp boluwatqanliqi melum qilin'ghan.

Muxbirlirimiz bu heqte ehwal igiliginide, da'iriler jawab bérishni ret qilghan.

Tengritagh torining yuqiriqi xewiri mezkur inkastiki ré'alliqning toghriliqini delillimekte.