Uyghur élida 70 pirsent déhqan a'ilisi "Kespleshtürüp bashqurush" astigha élin'ghan

Muxbirimiz erkin
2021-11-29
Share

Xitay hökümiti Uyghur élida 70 pirsent déhqan a'ilisini özlirining en'eniwiy déhqanchiliq ishlepchiqirishidin yiraqlashturup, xitay karxanilirida ishleydighan emgek küchlirige aylandurup bolghan. Xitay taratqulirining xewerliride ashkarlishiche, da'iriler "Kespleshtürüp bashqurush" namidiki bu herikette, atalmish "Yézilardiki artuq emgek küchlirining yötkep ishqa orunlishishgha türtke bolghan."

Xewerde Uyghur aptonom rayoni miqyasidiki türlük yéza igilikni "Kespleshtürüp bashqurush" teshkilatlirining 29 ming 600 ge yetkenliki, 70 pirsent déhqan a'ilisining "Kespleshtürüp bashqurush" astigha élin'ghanliqi tekitlen'gen.

Xitay hökümiti 2017-yilidin bashlap rayonda chong tutqun'gha tor sélish bilen bir bir waqitta, Uyghur ishlepchiqirish küchlirining qurulmisinimu özgertishke kiriship, Uyghur déhqan a'ililirini rayonning ichi-sirtidiki xitay karxanilirida mejburiy ishleshke yötkigen. "Shinjang géziti" ning qeyt qilishiche, "Yéza-‍igilikini kespleshtürüp bashqurush yézilardiki artuq emgek küchlirining yötkilishige türtke bolghan." Uyghur aptonom rayonliq hökümetning 28-noyabir chaqirghan axbarat yighinidimu, xitayning bu siyasiti medhiyelinip, mejburiy emgekning barliqini ret qilghan.

"Yéza-kentlerni güllendürüsh kespiy maharet terbiyesi" namliq bu axbarat yighini en'giliyediki hallam shiféld uniwérsitétining bir tetqiqat orni xitayning "Shinjang paxtisi" heqqide tekshürüsh doklati élan qilip arqidinla chaqirilghan. Hallam shiféld uniwérsitétining héléna kénnidiy xelq'ara adalet merkizi teyyarlighan bu doklatta, xitayning "Shinjang paxtisi" sherqiy-jenubiy asiya arqiliq dawamliq dunya bazirigha kiriwatqanliqi, rayonda ishlepchiqirilghan mehsulatlarning mejburiy qul emgiki bilen zich munasiwetlik ikenliki tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet