Xitay da'iriliri Uyghur élida puqralarni eqliy iqtidarliq tok sa'iti bilenmu nazaret qilishni yolgha qoyghan

Xitay da'iriliri Uyghur élida eqliy iqtidarliq tok sa'iti arqiliqmu puqralarning kundilik herkitini nazaret qilishqa bashlighan. Da'iriler hazirgha qeder Uyghur élida 10 milyon'gha yéqin tok ishletküchi abuntqa bu xil eqliy iqtidarliq tok sa'iti orunlashturup bolghan. Közetküchilerning bildürüshiche, mezkur eqliy iqtidarliq tok sa'iti abuntlarning tok serpiyatigha da'ir sanliq uchurlarni analiz qilip, tok serpiyatidiki “Binormalliq” ni alaqidar orunlargha inkas qilidiken.

Bu eswap tok ishletküchi abuntlarni kontrol qilish, köp sanliq melumat yetküzüsh shekli bilen qosh yönilishlik sanliq melumat alaqisi qatarliq köp xil eqliy iqtidargha ige iken. Shinxu'a agéntliqining bildürüshiche, hazirgha qeder rayondiki 9 milyon 980 ming 160 abuntqa bu eswap orunlashturulup bolghan. Xitay énérgiye torining rayondiki bir emeldari éléktir tori shirketlirining chong sanliq melumat analiz téxnikisini ishlitip, eqliy iqtidarliq tok sa'itining sanliq melumatlirini bir terep qilidighanliqini bildürgen.

Közetküchiler, eqliy iqtidarliq tok sa'iti xitayning rayonda qurghan “Digital nazaret sistémisi” ning bir parchisi ikenlikini ilgiri sürmekte. Kishilik hoquq teshkilatlirining qeyt qilishiche, xitay da'iliri 2017-yili bashlan'ghan chong tutqunda kishilerning ishletken tok, su, gaz sepiyati, yémek-ichmek we kündilik turmush serpiyatidiki “Binormal” dep qaralghan istémal miqdarigha qarap tutqun qilip, soraq qilghan yaki lagér we türmilerge qamighan iken.