Uyghur élidiki "Namratlarni köchürüp ronaq tapquzush qurulushi" diqqet qozghidi

Muxbirimiz irade
2016-12-20
Share

Tengritagh torida bérilgen xewerdin qarighanda, Uyghur aptonom rayon da'iriliri "Namratlarni köchürüp ronaq tapquzush mexsus tür qurulushi"ni yolgha qoyup, uninggha 300 milyon som meblegh ajratqan.

Xewerde éytilishiche, bu 300 milyon som meblegh asasliqi namratlarni köchürüp ronaq tapquzush turalghusi, su, tok, yol, gaz, alaqe tori qatarliq ul eslihelerni yasash we uninggha yandash bolghan ma'arip, sehiye, medeniyet qatarliq ammiwi mulazimet eslihelirining tereqqiyatigha ishlitilidiken. Xewerde "Köchürüp ronaq tapquzush türi" ge kiridighan bu namratlarning kimlerni öz ichige alidighanliqi, ularning qeyerge köchürülidighanliqi, néme üchün köchürülidighanliqi heqqide héchqandaq bir yip uchi bérilmigen. Biraq, xewerde namratlarni köchürüp ronaq tapquzush kirédit xizmiti, waqtining jiddiyliki, wezipining éghirliqi tilgha élin'ghan.

Melum bolushiche, mezkur qurulushqa qatnishidighan orunlar "Dölet tereqqiyat bankisi shinjang Uyghur aptonom rayonluq shöbe bankisi", "Shinjang dölet mülki sélinma cheklik mes'uliyet shirkiti", "Shinjang yölesh-échish tereqqiyat shirkiti" we shuningdek munasiwetlik nahiye, sheherlerni öz ichige alidiken.

Uyghur aptonom rayon da'iriliri bundin ilgirimu "Uyghur élidiki éshincha emgek küchlirini yötkep ishqa orunlashturush" dégen nam astida nurghun Uyghur yashlirini xitay ölkilirige erzan emgek küchi süpitide yötkigen idi. Bu siyaset eyni chaghda Uyghur élida nurghun naraziliqlarning qozghilishigha we hetta shyawgüen weqesi, arqidin ürümchi weqesige oxshash qanliq weqelerningmu kélip chiqishigha seweb bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet