Nurmemet musabay: xitay Uyghur rayondiki qarshiliq heriketlirining ashkarilinishini chekleshni qanunlashturdi

Muxbirimiz shöhret hoshur
2015-12-28
Share

Xitay hazirgha qeder Uyghur rayonida yüz bergen qarshiliq heriketlirining köp qismini axbarattin yoshurghan we az bir qisimni kemtük we éniqsiz halda xewer qilip kelgen.

Bu xil weqeler heqqide axbaratqa yip uchi bergenler éghir jazalinip kelgen idi. Shinxu'a agéntliqining xitayning yéngi térrorluq qanuni heqqidiki bügünki xewiridin qarighanda, xitay bu qanun arqiliq yuqiriqi cheklimilirini qanunlashturghan.

Shinxu'aning bu heqtiki xewiride "Qanundiki barliq cheklimilerning meqsiti dorashning (yeni hewes qilishning) aldini élish, aldinqi septe térrorluqqa qarshi wezipe ötewatqanlarni qoghdash we ammini söz-chöcheklerning ziyinidin qoghdash" déyilgen. Yene xewerdin melum bolushiche, mezkur qanunning bir maddisida "Dorashqa (hewes qilishqa) yétekleydighan térrorluq pa'aliyetlirining tepsilatini xewer qilish yaki tarqitishqa bolmaydu" déyilgen.

Bu heqte pikir bayan qilghan dunya Uyghur qurultiyi bash katipi nurmemet musabay xitayning Uyghur rayondiki barliq qarshiliq heriketlirini térrorluq dep qaraydighanliqi, shunga yéngi térrorluq qanunidiki mezkur maddining mahiyette Uyghurlarning qarshiliq heriketlirining ashkarilinishini chekleshning qanunlashturulushi ikenlikini ilgiri sürdi.

Nurmemet musabay sözide yene, ilgiri siyasiy qarar yaki öz meyliche ijra qiliniwatqan axbarat cheklimisining emdilikte qanun arqiliq ijra qilinishining rayonda dawam qiliwatqan saqchi zorawanliqigha téximu keng yol achidighanliqini we buningdin dunya Uyghur qurultiyining endishe ichide ikenlikini tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet