Блумберг теливзийәсиниң уйғурларға мунасивәтлик хәвәр программиси кашилиға учритилған

Мухбиримиз ирадә
2019-12-05
Елхәт
Пикир
Share
Принт

Америка «блумберг теливизийәси» уйғурларға мунасивәтлик қанун лайиһәсиниң авам палатадин мақулланғанлиқи һәққидики хәвәрни тарқитиватқанда хитайниң тор вә учур башқуруш даирилири екранни қарайтип, хитайдики көрүрмәнләрниң бу һәқтики тәпсилатлардин хәвәрдар болушини чәклигән.

Блумберг теливизийәсиниң бейҗиңда турушлуқ мухбири селина ваң тивиттирда тарқатқан учурида, 4-декабир күни блумберг хәвәрлириниң тарқитиши екран қарайтилиш арқилиқ кашилиға учриған пәйттә, уйғур вәзийити бойичә тонулған тәтқиқатчи адриян зенз зиярәт қилиниватқанлиқини билдүрди.

Адриян зенз «блумберг теливизийәси» гә қилған сөзидә «уйғур елидики лагерлар һәққидә ашкариланған хитайниң мәхпий һөҗҗәтлири вә башқа алақидар һөҗҗәтләргә асасланғанда һазир районда аз дегәндә 900 мңдин бир милйон 800 миңғичә тутқун вә 1400 әтрапида лагер бар» дегән. Адириян зенз йәнә мундақ дегән:
«Америка авам палатаси қанун лайиһәсини мақуллаш арқилиқ қилишқа тегишлик болған инсаний бурчини ада қилди, гәрчә бу хитайниң сияситини дәрһал өзгәртәлмисиму, һәтта американиң иқтисадий мәнпәәтлиригә зиян әп кәлсиму, бу қилишқа тегишлик иш иди. Мундақчә ейтқанда, бу хитайниң һәрикитигә қарши етилған тунҗи әмәлий қәдәм».

Америка авам палатасиниң юқири аваз билән «2019-йиллиқ уйғур кишилик һоқуқ қанун лайиһәси» ни мақуллиши хәлқаралиқ даңлиқ ахбаратларда кәң хәвәр қилинған иди.

Пикирләр (0)
Share
Толуқ бәт