Уйғурлар дияридики йеза-қишлақларниң намлири “қизил” лашмақта

Мухбиримиз әзиз
2018.06.19
Share on WhatsApp
Share on WhatsApp

Хитай һөкүмитиниң нөвәттә уйғурлар дияридики һәммила шәйини қизиллаштуруш вә хитайчилаштуруш һәрикитиниң күчийишигә әгишип, әслидики уйғурчә йеза-қишлақ намлириниң “инқилабий” намларға алмаштуриливатқанлиқи диққәт қозғимақта. Мәлум болушичә, бу һәрикәт уйғурларниң хас исимлиридики уйғурчә пурақни йоқитиш тәдбирлири билән параллел йосунда иҗра болмақта икән.

Хитай башқурушидики “ақту хәвәр тори” ниң 18-июндики хәвиригә қариғанда, әнә шу хилдики нами өзгәртилгән кәнтләрниң бири ақту наһийисигә қарашлиқ таркечик кәнти болуп, униң нами “хоңшин” дәп өзгәртилгән. Шуниңдәк төвәнгә чүшкән хизмәт гурупписиниң “йеқиндин қоллап-қуввәтлиши билән йеңи заманға лайиқ сотсиялистик кәнткә айланған.”

Мәзкур хәвәрдә көрситилишичә, бу кәнттики “рәһбирий кадирлар” ниң әң гәвдилик хизмәт нәтиҗилири шу йезидики деһқанларға кәнт йиғин залида көп қетимлап марксизмлиқ пәлсәпә, адәмниң маймундин өзгириши, җуңхуа мәдәнийитиниң изчил давам қилиши, ши җинпиң дәвридики сотсиялизм нәзәрийиси дегәндәк темилар бойичә лексийә бериш болған. Шуниңдәк муқимлиқ тәшвиқати һәрқачан барлиқ хизмәтләрниң алдиға қоюлған.

Паалийәтчиләр бу һәқтә пикир қилип, “хитай һөкүмитиниң бу хилдики йеза-кәнт намлирини ‛инқилаби‚ намларға өзгәртиши һәмдә деһқанларниң турмуш қийинчилиқини һәл қилишқа ярдәмлишиш орниға уларни сиясий өгинишкә мәһкум қилиши сепи өзидин қизиллашқан ассимилатсийәдур,” дәп көрсәтти.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.