Uyghurlar diyaridiki yéza-qishlaqlarning namliri “Qizil” lashmaqta

Muxbirimiz eziz
2018.06.19
Share on WhatsApp
Share on WhatsApp

Xitay hökümitining nöwette Uyghurlar diyaridiki hemmila shey'ini qizillashturush we xitaychilashturush herikitining küchiyishige egiship, eslidiki Uyghurche yéza-qishlaq namlirining “Inqilabiy” namlargha almashturiliwatqanliqi diqqet qozghimaqta. Melum bolushiche, bu heriket Uyghurlarning xas isimliridiki Uyghurche puraqni yoqitish tedbirliri bilen parallél yosunda ijra bolmaqta iken.

Xitay bashqurushidiki “Aqtu xewer tori” ning 18-iyundiki xewirige qarighanda, ene shu xildiki nami özgertilgen kentlerning biri aqtu nahiyisige qarashliq tarkéchik kenti bolup, uning nami “Xongshin” dep özgertilgen. Shuningdek töwen'ge chüshken xizmet guruppisining “Yéqindin qollap-quwwetlishi bilen yéngi zaman'gha layiq sotsiyalistik kentke aylan'ghan.”

Mezkur xewerde körsitilishiche, bu kenttiki “Rehbiriy kadirlar” ning eng gewdilik xizmet netijiliri shu yézidiki déhqanlargha kent yighin zalida köp qétimlap marksizmliq pelsepe, ademning maymundin özgirishi, jungxu'a medeniyitining izchil dawam qilishi, shi jinping dewridiki sotsiyalizm nezeriyisi dégendek témilar boyiche léksiye bérish bolghan. Shuningdek muqimliq teshwiqati herqachan barliq xizmetlerning aldigha qoyulghan.

Pa'aliyetchiler bu heqte pikir qilip, “Xitay hökümitining bu xildiki yéza-kent namlirini ‛inqilabi‚ namlargha özgertishi hemde déhqanlarning turmush qiyinchiliqini hel qilishqa yardemlishish ornigha ularni siyasiy öginishke mehkum qilishi sépi özidin qizillashqan assimilatsiyedur,” dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.