Türkiye dölet metbu'ati xitay lagérlirida yétiwatqan Uyghur ziyaliylirini alahide tekitlidi

Türkiyening anadolu agéntliqi 11-féwral küni tarqatqan bir xewiride 2016-yilidin béri xitayning lagérlirigha tutqun qilin'ghan nurghun Uyghur ziyaliylirining téxiche iz-dériki bolmaywatqanliqini bildürdi.

Anadolu agéntliqi mezkur xewiride xelq'ara kechürüm teshkilati, kishilik hoquqni közitish teshkilati we yawropa parlaménti qatarliq nopuzluq organlarning bu heqtiki doklatlirini neqil élip turup, bir milyondin oshuq kishi qamalghan bu lagérlarda yene nurghun tonulghan proféssor-akadémiklar, oqutquchilar, tenheriketchi-artislar we nurghun pen-téxnika xadimlirining barliqi bayan qilin'ghan.

Xewerde abduqadir jalalidin, tashpolat téyip, rahile dawut, alim exet, ekber ömer qatarliq nurghun Uyghur ziyaliylirining xelq'araliq chaqiriqlargha qarimay hazirghiche lagérlarda tutup turuluwatqanliqi bayan qilin'ghan shundaqla ataqliq dini alim we ölima muhemmed salih hajimning lagérda jan üzgenliki qeyt qilin'ghan.