Уйғур исим-фамилилириниң хитайчә йезилишидики қалаймиқанчилиқ “милләтләр иттипақлиқи йили” башланғанда андин нәзәргә елинған

Мухбиримиз қутлан
2016-04-04
Share

“хәлқ тори” уйғурчә қанилиниң хәвиригә қариғанда, уйғур исим-фамилилириниң хитайчә рәсмий һөҗҗәт вә кинишкиләргә йезилишидики қалаймиқанчилиқ вә буниңдин келип чиққан еғир қолайсизлиқ йеқинда хитай һөкүмити бекиткән “милләтләр иттипақлиқи йили” да андин нәзәргә елинған.

29-Март күни ечилған уйғур аптоном райониниң “милләтләр иттипақлиқи  йили” сәпәрвәрлик чоң йиғининиң гуруппа музакирисидә бу мәсилә тунҗи қетим оттуриға қоюлған.

Мәзкур йиғинда бу мәсилини оттуриға қойғанларниң ичидә маарип назаритиниң назири турсун ибраһимму бар икән.

У өз исим фамилисиниң хитайчә рәсмий һөҗҗәт вә кинишкиләрдә түрлүк хәтләр билән йезилидиғанлиқини, һәтта исим билән фамилә арисиға қоюлидиған чекитниң орниму давамлиқ өзгирип туридиғанлиқини тилға алған.

Мәлумки, уйғурларниң исим-фамилилири узақтин буян хитай һөкүмити тарқатқан түрлүк кинишка, диплом, пасспорт, кимлик вә башқа қануний һөҗҗәтләрдә хитайчә охшимиған хәтләр билән йезилип кәлгән. Һәтта паспортта уйғур исим-фамилилириниң тәртипи мәҗбурий йосунда хитайчә тәртиптә йезилип, исим билән фамилиниң орни алмишип қалидиған  әһваллар һазирғичә давамлишип кәлгән иди.

Көзәткүчиләр, уйғурларниң исим-фамилисиниң хитайчә йезилишидики бу хил қалаймиқанчилиқниң нәччә он йил давамлишип, пәқәт бу йил башланған “милләтләр иттипақлиқи йили” да андин нәзәргә елинишини “әҗәблинәрлик вәқә” дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт