Uyghur éli adwokatlarning sotta gumandarlarni aqlashqa qatnishish nisbiti eng töwen rayon iken

Muxbirimiz erkin
2018.01.05

Uyghur ili adwokatlarning jinayi ishlar délolirida gumandarlarni aqlashqa qatnishish nisbiti eng töwen rayon ikenliki ilgiri sürülmekte. 4-Yanwar shangxeydiki bir adwokatliq orni xitaydiki “Jüfa” namliq bir edliye közitish orgini teyyarlighan bu heqtiki bir tekshürüsh doklatini chet'el ijtima'iy taratqulirida élan qilip, küchlük inkas qozghidi.

Doklatta körsitilishiche, Uyghur aptonom rayonidiki adwokatlarning jinayi ishlar délolirida özining rolini jari qildurush nisbiti aran 8.64 Pirsent iken. Közetküchiler, bu Uyghur élida adwokatlarning her 100 délodin aran 8-9 ni aqlashqa ishtirak qilalaydighanliqidin dérek béridighanliqini bildürdi. Doklatta, xitayning bu jehettiki memliketlik otturiche nisbiti 14 pirsent ikenlikini, buning xitay hökümiti élan qilghandin köp perqlinidighanliqini bildürgen.

Doklatta qeyt qilinishiche, Uyghur aptonom rayonidin qalsa, xitayning xeynen ölkisi bilen tibet aptonom rayoni adwokatlarning aqlash nisbiti eng töwen rayonlar hésablinidiken. Doklatta, xeynen ölkisining bu jehettiki nisbiti 6.4 Pirsent, tibetning 6.8 Pirsent ikenliki ilgiri sürülgen.

Doklatta körsitilishiche, “Jüfa” edliye tekshürüsh orgini xitayda 2014‏-yildin 2016‏-yilghiche bir terep qilin'ghan jinayi ishlar délolirini statistika qilip, yuqiriqi xulasini chiqarghan. Doklatta, shangxey shehirining 22.94 Pirsentni igilep, bu jehettiki eng yuqiri orunni igiligenliki, enxuy ölkisining 2‏‏-orunni, béyjingning 3‏-orunni igileydighanliqini bildürgen. Doklatta déyilishiche, yerlik sot mehkimilirining bir terep qilin'ghan délolarni torda élan qilishi izchil bolmighachqa, bu doklatta bezi xataliqlarning bolushi mumkin bolsimu, biraq u yenila xitay edliyesining nuqsanlarni échip béridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.