Uyghur rayonida kéwezge tarqalghan bir xil wirusning jiddiy tehdit peyda qiliwatqanliqi ilgiri sürüldi

Muxbirimiz erkin
2019-09-06
Élxet
Pikir
Share
Print

Uyghur aptonom rayonida kéwezlerge bir xil wirus tarqilip, rayonning paxtichiliq igilikige jiddiy tehdit peyda qiliwatqanliqi ilgiri sürüldi. Xongkongdiki "Jenubiy xitay seher pochtisi" gézitining xewer qilishiche, shixenze yéza igilik uniwérsitétidiki bezi mutexessisler wirusning "Nöwette keng kölemlik tarqalmighan bolsimu, lékin uning jiddiy tehdit peyda qilghanliqi we kishilerni bi'aram qiliwatqanliqi" ni bildürgen.

Mezkur uniwérsitéttiki bir kéwez tetqiqatchisi "Biz alaqzadilik ichide chare-tedbirge éhtiyajliq boluwatimiz" dégen. "Jenubiy xitay seher pochtisi" gézitining ilgiri sürüshiche, eger bu wirusning derhal aldi élinmisa, u xitay paxtichiliq igilikige 50 milyard yüen ziyan salidiken. 

Uyghur aptonom rayoni xitayning asasliq paxta ishlepchiqirish bazisi bolup, xitayda ishlepchiqirilghan paxtining 84 % ni igileydu. Lékin mezkur wirus xitay hökümitining ichkiri ölkilerdiki toqumichiliq karxanilirini Uyghur rayonigha yötkep chiqip, yighiwélish lagérliridiki bir qisim Uyghur tutqunlarni bu karxanilarda mejburi emgekke séliwatqanliqi ilgiri sürülüwatqan bir mezgilde tarqalghan. Yéqinda amérikadiki xitay démokratlirining "Junggo puqralar küchi" namliq teshkilati Uyghur rayonidiki paxtichiliq we rayondiki toqumichiliq karxaniliri heqqide doklat élan qilip, xitayning lagérdiki Uyghurlarni paxtizarliq we toqumichiliq karxanilirida mejburi emgekke sélish arqiliq uning "Xelq'ara paxta-toqumichiliq teminat zenjirini zeherligenliki, xitaydin paxta-toqumichiliq mehsulatlirini import qilishni toxtitishning waqti kelgenliki" ni bildürgen. 

"Jenubiy xitay seher pochtisi" gézitining xewiride qeyt qilinishiche, gholluq ösümlükler wirus türi‏ - bégomo wirus türige mensup bolghan bu wirus kéwez yopurmiqining qurup kétishi, kéwez gholining ösüshi we kéwez ghozikining yiriklep kétishini keltürüp chiqirip, mehsulat miqdarigha jiddiy tesir qilidiken. Xewerde, xitay mu'essesilirining bu wirusqa qarshi bir xil ünümlük dora ishlepchiqarghanliqi, lékin bezi mutexessisler eger bu dora bek köp ishlitilse wirusning immunitét küchini ashuruwétishi mumkin, dep endishe qiliwatqanliqi tekitlen'gen.

Toluq bet