Aqsu wilayitidiki yerlik xelq heqsiz qan teqdim qilishqa orunlashturulmaqta

Muxbirimiz irade
2019-05-09
Élxet
Pikir
Share
Print

Aqsu axbarat torida tarqitilghan xewerdin melum bolushiche, aqsu wilayetlik merkiziy qan ponkiti yéza  bazarlardiki ammini "Heqsiz qan teqdim qilish pa'aliyiti" ge seperwer qilghan.

Xewerde körsitilishiche, 5-ayning béshidiki ikki kün ichide yalghuz qaratal baziridinla 179 adem qan teqdim qilghan bolup, teqdim qilin'ghan qan jem'iy 50 ming 400 millilétirgha yetken.

Mezkur heriketning yalghuz aqsu wilayiti tewesidila yaki pütkül Uyghur rayoni boyiche élip bérilidighanliqi éniq emes. 

Xitay hökümiti 2014-yilidin bashlap Uyghur élida her yili bir qétim "Omumiy xelq salametlik tekshürüshi" herikitini yürgüzüp kelmekte. Xitay da'iriliri bu heriketni xelqning salametlikini kapaletke ige qilish dep teshwiq qilghan bolsimu, emeliyette da'irilerning Uyghur diyaridiki yerlik ahalilerning muhim shexsiy uchurliri, yeni ularning qan ewrishkisi, chiray körünüshi, köz almisi we köz qarichuqi, a'ile ezaliri we uruq-tughqanlar zenjiri shundaqla bashqa her türlük xususiy uchurlirini arxiplashturuwatqanliqi ashkarilinip küchlük diqqet qozghighan idi. 

Xitay hökümitining bu uchurlarni arxiplashturushtiki meqsiti oxshimighan gumanlarni peyda qiliwatqan bir shara'itta aqsu wilayitidiki xelqning yene "Heqsiz qan teqdim qilish" qa seperwer qilinishi diqqet qozghimaqta.

Toluq bet