Uyghur diyaridiki térilghu yerlerning hoquq teweliki yéngiwashtin békitilmekte

Muxbirimiz eziz
2019-03-06
Élxet
Pikir
Share
Print

Uyghur diyaridiki yerlik ahalining iqtisadiy pa'aliyitide muhim amil bolghan térilghu yerlerning hoquq tewelikini yéngiwashtin békitish xizmitining dawam qilishi her sahe kishilirining diqqitini qozghawatqanliqi melum.

"Aqsu axbarat tori" ning ötken heptidiki xewirige qarighanda, aqsu wilayetlik hökümet yuqiri derijilik orunlarning buyruqi boyiche öz tewelikidiki besh milyon mogha yéqin térilghu yerning hoquq tewelikini qaytidin tekshürüp békitish xizmitini ashurup orunlighan. Xewerdin melum bolushiche, hoquq teweliki békitilgendin kéyin yer igilirige yéngidin guwahname tarqitip bérilidiken, bu guwahnamilerni bolsa renige qerz élish üchün renige qoyushqa bolidiken.

Melum bolushiche, bu qétimqi yerlerning tewelik hoquqini békitish xizmiti aqsuning hemmila yéride tamamlan'ghan bolup, tekshürüshtin kéyin barliq uchurlar arxiplashturulghan we sanliq melumat ambirigha kirgüzülgen.

Analizchilar bu heqte pikir qilip, "Yéza nopusidiki yüz minglighan Uyghur déhqanliri lagérlargha qamalghandin kéyin ularning tashlinip qalghan térilghu yerliri ige-chaqisiz qalghan. Emdilikte bu xil tizimlash bu yerlerning igilik hoquqining xitay köchmenlirige ötüshige yol échishi mumkin," dédi.

Toluq bet