Xitay hökümiti Uyghur diyaridiki bingtu'enning bashqurush sistémisida jiddiy islahatlarni élip barmaqtiken

Muxbirimiz nur'iman
2020-05-14
Élxet
Pikir
Share
Print

Xitay xewerler torining 13-maydiki xewirige qarighanda, shinjang ishlepchiqirish-qurulush bingtu'eni yéqinda miren, bash'egim, altuntagh qatarliq polk derijilik bazardin 7 ni qurghan. Buning bilen bingtu'enning qarmiqidiki polk meydani derijilik bazarlarning sani 44 ke yetken.

Xewerde déyilishiche, yéqinqi yillardin buyan bingtu'en özining bashqurush sistémisida jiddiy islahat élip bérip, "Her bir déwiziyege birdin sheher berpa qilish, her bir polk meydanida birdin bazar qurush" dégen istratégiye boyiche bingtu'enning Uyghur diyarida téz sür'ette yerliklishishini tézletken.

2019-Yilighiche bingtu'en qarmiqida déwiziye bilen sheher birleshken yéngi tiptiki nahiye derijilik sheherdin 10 sheher berpa qilin'ghan. Buning bilen shinjang ishlepchiqirish-qurulush bingtu'eni 10 sheher, 44 bazar, 170 tin köprek polk meydanigha ige yérim herbiy, yérim ishlepchiqirish xaraktérlik ghayet zor gewdige aylan'ghan.

Chet'ellerdiki siyasiy analizchilar, xitay hökümitining yéqinqi yillardin buyan bingtu'en'ge ghayet zor iqtisadiy sélinma sélip, uni Uyghur aptonom rayonidiki yene bir ölke derijilik gewdige aylandurghanliqi we zor kölemdiki xitay köchmenlirini köchürüp chiqip, bingtu'enni Uyghur diyarini kontrol qilidighan bir herbiy we siyasiy sistémigha aylandurghanliqini tekitlimekte. Kéyin yene yettisi qurulghan. Bingtu'enlerning qarmiqida qurulghan yéza-bazarlarning sani 44 ke yetken, yeni 2019-yili 12-ayning 18-künidin buyan sheher-bazar bir gewdilishish endizisi boyiche ondin artuq bingtu'en hemkarliqidiki nahiye derijilik sheher qurulghan.

Xewerde yene mundaq déyilgen: 'tengritaghning shimali we jenubida bingtu'en hemkarliqidiki sheherlerni asas qilip turup, pütün sheherler bir tutash bashqurulidu, bingtu'en yerlik yéza-bazarlarni toluqlash rolini oynaydu we sheher-bazarlar bingtu'en alahidilikige ige bolidu. '

Toluq bet