Yéqinda amérika émbargo yürgüzgen bingtu'en dunyadiki 800 mingdin artuq shirket bilen menpe'etdar iken

Muxbirimiz erkin
2020-08-07
Élxet
Pikir
Share
Print

Amérikadiki "Sayari" namliq soda sanliq melumat tori amérika hökümiti yéqinda émbargo yürgüzgen "Shinjang ishlepchiqirish-qurulush bingtu'eni" ning dunyadiki 800 mingdin artuq shirket bilen menpe'etdar ikenlikini bildürdi.

Xewerde tekitlishiche, amérika maliye ministirliqi tashqi mülük kontrol ishxanisining bingtu'en'ge émbargo yürgüzüshi bu ishxana tarixidiki eng chong heriketlerning biri iken. Xewerde "Bu jaza bingtu'enning dunya teminat zenjiri bilen bolghan alaqisining ashkarilinishigha egiship, zenjirsiman tewrinish peyda qilidighanliqi" tekitlen'gen.

Amérika maliye ministirliqining tashqi mülük kontrol ishxanisi 31-iyul küni bingtu'en we uning ikki rehbirige ularning ughurlarni depsende qilishtiki roli seweblik émbargo yürgüzgen. Yuqiriqi soda sanliq melumat torining uchurida, bingtu'enning 147 dölettiki 862 ming 600 shirket bilen menpe'etdar ikenliki, bu amérika, gérmaniye, en'gliye we shundaqla wirjin aralliri qatarliq dölet we rayonlardiki shirketlerni öz ichige alidighanliqi, ularning ichidiki 2114 shirketning amérikada ikenliki tekitlen'gen.

Xewerde yene xitayning rayondiki mezkur yérim qoralliq teshkilatining nopusi Uyghur aptonom rayoni nopusining 12 % ni teshkil qilidighanliqi, Uyghur aptonom rayoni omumiy ishlepchiqirish qimmitining 17 % ni igileydighanliqi, xitay da'irilirining "Shinjangda étnik tazilash we medeniyet qirghinchghiliqi élip bérish bilen bir waqitta yene béyjingning mezkur rayonda iqtisadiy tereqqiyat pilanini dawamliq algha sürüwatqanliqi" tekitlen'gen.

Toluq bet