Uyghur rayonida bingtu'enning "Üch xil roli" kücheytilgen

Muxbirimiz jewlan
2020-09-23
Élxet
Pikir
Share
Print

Xitayche "Shinjang géziti" torining 23-séntebir élan qilghan bir xewiride bingtu'enning tereqqiyati mexsus tonushturulghan bolup, buning xitay kompartiyesining Uyghur rayonida yürgüzgen muweppeqiyetlik siyasitining netijisi ikenliki alahide tekitlen'gen.

Xewerde xitay kompartiyesining bash sékrétari shi jinpingning Uyghur rayonini közdin kechürgende éytqan "Bingtu'enning mewjutluqi we tereqqiyatigha hergiz sel qarashqa bolmaydu, belki uni uzaq muddetlik, ulugh nishan qilish kérek. Yéngi weziyette bingtu'enning xizmitini kücheytishke boliduki, ajizlashturushqa bolmaydu," dégen sözi muhim yolyoruq süpitide körsitilgen. "2-Qétimliq shinjang xizmet yighini" din kéyin xitay kompartiyesi merkiziy hökümitining bingtu'endin "Muqimliqni saqlash, ittipaqliqni saqlash, tereqqiyatni saqlash" tek üch xil rolini téximu kücheytishni telep qilghanliqi, bingtu'enningmu bu chaqiriqqa awaz qoshup yillardin béri öz kölimini kéngeytip, tesirini kücheytip kelgenliki teshwiq qilin'ghan.

Bu xewerde alahide diqqet qozghaydighan nuqta shuki, bingtu'endiki xitaylar "Ittipaqliq we tereqqiyat" telipi boyiche, etrapidiki Uyghur ahalilerge köplep yardem bérish we ularni qiziqturush arqiliq öz tewelikige ötküzüp tesir da'irisini chongaytqan. Bingtu'en teshwiqat orunliri adem teshkillep, namrat ahalilerni yoqlap, qiyinchiliqi bolsa hel qilip "Partiyening illiqliqi" ni yetküzüsh bilen birge, ularni bingtu'en'ge qétilishning paydisi toghriliq ashkara teshwiqat élip barghan.

Melumatlargha qarighanda, Uyghur rayonidiki térilghu yer, su we kan bayliqining mutleq köp qismini igiliwalghan bingtu'en xitay merkiziy hökümitige biwasite qaraydiken. Bu xewerde bingtu'enning yéqinqi yillardin buyan ghayet zor tereqqiyatlargha érishkenliki, 2019-yildiki ishlepchiqirish omumiy qimmitini 274 milyard 700 milyon yüen'ge yetküzüp, 2014-yildikidin 100 milyard yüen ashurghanliqi, ötken yilning axirida shixo nahiyesige qoshna jayda xuyangxé dégen nahiye derijilik bir sheherni qurup chiqqanliqi, shuning bilen bingtu'en'ge biwasite qarashliq nahiye derijilik sheherning 10 gha yetkenliki körsitilgen.

Toluq bet