Ақсу вилайити бойичә 49 миңдин артуқ аилиниң қору-җайлири чеқилип өзгәртилгән

Уйғур елиниң һәрқайси җайлирида уйғурлар топлишип олтурақлашқан мәһәллә-койларни чеқип, йәрлик аһалиләрни тарқақлаштуруш, уларниң әнәнивий турмуш усулини өзгәртиветиш пиланиниң җиддий иҗра қилиниватқанлиқи мәлум.

“ақсу ахбарат тори” елан қилған хәвәргә қариғанда, ақсу вилайити 2000-йилиниң ахиридин бурун селинған шәһәр-базарлардики кона олтурақ мәһәллиләрни нуқтилиқ өзгәртип, һазирғичә 395 кона кона мәһәллә районни чеқип өзгәртишни йолға қойған. Хәвәрдә дейилишичә, бу қурулуш җәмий 49 миң 777 аилигә четилидикән.

Хитай даирилири кона олтурақ районларни чеқиш-түзләш қурулушини изчил һалда “хәлқниң турмуш шараитини яхшилаш” дәп пәрдазлап кәлмәктә. Бирақ чәт әлләрдики уйғур паалийәтчилири вә мутәхәссилири уйғур ели миқяси бойичә “кона өйләрни йеңилаш” намида уйғурлар топлишип олтурақлашқан мәһәллиләрни чеқиш һәрикәтлирини “земин билән кимлик арисидики мунасивәтни үзүшни вә мутләқ контроллуқни ишқа ашурушни мәқсәт қилған,” дәп қаримақта.

Хитай һөкүмити 2017-йилдин буян милйонлиған уйғурни лагерларға қамаш, яшларни түркүм-түркүмләп хитай өлкилиригә йөткәш билән бир вақитта йәнә уйғурларниң олтурақ районлирини бузуп-чеқип, уларниң яшаш усули вә әнәнисини өзгәртиветишкә урунуп кәлмәктә.