Хитай һөкүмити уйғур диярида аталмиш «диний ашқунлуқ» қалпиқи билән адәм тутушни давамлаштурмақта

2019-06-12
Елхәт
Пикир
Share
Принт

Йеқинда хитай һөкүмити уйғур аптоном районидики тор бихәтәрликигә хилаплиқ қилған он кишини айрим-айрим мәмурий ишлар вә җинайи ишлар бойичә тутуп турған.

«Хитай хәвәрлири» ториниң 12-июндики санида елан қилинған мунасивәтлик хәвәрдин мәлум болушичә, тутуп турған бу он кишиниң тизимлики ичидә үч уйғур, бир қазақ вә бир қирғиз бар икән. Буларниң тутуп турулуш сәвәби «тор суписини ишлитип ‹террорлуқни, диний ашқунлуқни вә бөлгүнчиликни' тәрғиб қилидиған рәсим, син көрүнүш вә хәтлик мәзмунларни сақлиған вә тарқатқан» икән.

Хәвәрдики қизиқ нуқтиларниң бири тизимликтики уйғур, қазақ вә қирғизлар җинай ишлар бойичә, хитайлар болса мәмурий ишлар бойичә тутуп турулған. Униңдин башқа йәнә тизимликниң астиға тор бихәтәрликигә хилаплиқ қилғанларни мәлум қилғанларға сөйүнчә берилидиғанлиқиму алаһидә әскәртилгән вә мунасивәтлик орунларниң алақилишиш учурлири тәминләнгән.

Көзәткүчиләрниң баян қилишичә, хитай һөкүмитиниң уйғур дияридики уйғур вә башқа аз санлиқ милләтләрни аталмиш «террорлуқ вә диний ашқунлуқ» намида тутуп тәкшүрүши районда адәм тутуш долқуниниң изчил күчийиватқанлиқидин дерәк беридикән.

Пикирләр (0)
Share
Толуқ бәт